Зијадин Села бара обесштетување од половина милион евра од обвинетите за обидот за негово убиство на 27 април минатата година во Собранието. Иако за денеска беше предвидено меѓу сведоците да дојде и самиот Села, бавните сведочења оневозможија тој да зборува пред судското тело.
„Тој ќе дојде да сведочи на 19 или 20 февруари за кога ќе се закаже следното рочиште. Во однос на обесштетувањето, тоа се однесува на материјалната и нематеријалната штета, нешто што го образложивме на судското рочиште“, рече Абедин Абдули, адвокат на Зијадин Села.
Пред судските тела и на прашањата на јавниот обвинител одговараше и вработен во компанијата која ги контролира безбедносните камери во Собранието. Тој кажа што побарале од него инспектори на МВР, а на прашањата од адвокатите од одбраната и на јавниот обвинител, сведокот Орданчо Соколовски одговараше за автентичноста на снимките.
Освен Соколовски, сведочеше и еден од демонстрантите, Игор Ивановски, кој според обвинителната страна, во критичните моменти на пратеникот Села, бил во близина на толпата. Без оглед на тоа, Ивановски рече дека не го видел насилството извршено врз Села.
.gif)
.gif)
