СДСМ: Република да се извини и да каже дали лажат поради Груевски и Белизе

0
1088

Порталот Република тенденциозно ги доведува во заблуда граѓаните со лаги, дезинформации и манипулации за уредниот и законски начин на финансирање на СДСМ, согласно позитивните законски прописи во Македонија, велат од партијата. Во продолжение целото соопштение:

Бидејки порталот Република не го објави уредно доставениот одговор на СДСМ на поставените прашања вчера вечер од страна на порталот, СДСМ засега побара извинување за изнесените лаги, дезинформации и манипулации со коишто продолжуваат и денеска. СДСМ бара освен од Република, и од сите други портали под контрола на власта на Никола Груевски што објавија конструкции и лаги во врска со финансирањето на СДСМ, веднаш во целост да го објават одговорот на СДСМ.

СДСМ како партија на граѓаните, како и сите други граѓани во Р.Македонија, се финансира согласно законските прописи во државата, од членарини, донации, од кредити и од Буџетот на Република Македонија. Само сретствата од Буџетот, согласно Законот за финансирање на политички партии се околу 15 милиони денари годишно. Исто така во изборни години СДСМ остварува приход и од добиен глас согласно закон, којшто изнесува помеѓу 10 и 15 милиони денари. Сите приходи на СДСМ се согласно позитивните законски прописи на државата. Тое е потврдено со секој годишен ревизорски извештај што го прави Државниот завод за ревизија, којшто е исто така под контрола на власта.

Законитоста во финансирањето на СДСМ ја знаат многу добро институциите под контрола на Никола Груевски. СДСМ претставува пример за партија во поглед на транспарентноста и начинот на финансирање. Црни пари се својствени за власта на Никола Груевски за што не се осмелуваат да пишуваат медиумите под нејзина контрола, меѓу кои е и порталот Република. На пример според официјалните документи од Централен регистар, неделникот Република во сопственост на фирмата „Прва Република ДООЕЛ“ остварила приходи од 1,1 милион евра за перид од 3 години, пари исплатени до Владата на РМ. Сопственик на „Прва Република ДООЕЛ“ според тие документи е „Ирсине лимитед“ од Белизе, а оваа фирма сопственик на Република се наоѓа на иста адреса во Белизе со познатата компанија Сирах лимитед преку којашто има сериозни индиции дека Никола Груевски е поврзан со нарачки на парцели на Водно.

Дали затоа на Република и е чудно законското финансирање на СДСМ, а порталот не се интересира за тврдината на ВМРО-ДПМНЕ тешка според проценките меѓу 15 и 30 милиони евра, како Никола Груевски и неговата партија успеале да купат имот на партијата во деловни објекти и земјиште вредно повеќе од 12 милиони евра, како Груевски ја покри финансиска дупка на партијата од 3.500.000 евра констатирана во извештајот на ВМРО-ДПМНЕ за изборите во 2011-та година, што е со парите што ги примала лично Јанкулоска во кеш како генерален секретар на партијата… Сите злоупотреби на пари на граѓаните во Македонија многу брзо ќе бидат откриени и сите кои работеле незаконски ќе мора да понесат одговорност.