Главна расправа по предметот за настаните од 27 април минатата година што се случија во Собранието на Република Македонија ќе се одржи на 22 август, информираат од Кривичниот суд.
” По предметот КОК бр. 40/18 што беше оформен по одобрување на обвинителниот акт КОК ООА 10/18, а поврзан со настаните од 27 април 2017 година што се случија во Собранието на Р. Македонија, првата главна расправа е планирана за 22.08.2018 год. во 10:00 часот. За следниот период предвидени се вкупно 37 термини за главна расправа, за што веќе се изготвуваат наредби за спровод за обвинетите кои се наоѓаат во куќен притвор, како и покани за останатите странки во предметот” , се наведува во соопштението од Основниот суд Скопје 1.