Италија ќе го враќа прашањето за преговорите за членство на Македонија и Албанија на маса во ноември на советот за општи работи (ГАК) кој ќе се одржи на 19-ти ноември. Од Владата за Телма потврдија дека и премиерот Заев е поканет во Рим.
Дипломатски извор потврдил дека како знак на поддршката на Франција за Албанија, Макрон ја основал во Тирана канцеларијата на француската агенција за развој, која ќе спроведе француска помош за развојни проекти во Албанија. Овој чекор веројатно ќе означи зголемување на француската помош, која досега не беше важен донатор на Албанија.
Макрон имаше закажано балканска турнеја минатата година, но истата беше откажана. Наместо тоа, тој ја посети само Србија летово, откако во Париз беше откажан самитот за преговорите меѓу Србија и Косово.