Заменик претседателката на СДСМ Радмила Шекеринска била во еден од автомобилите кои учествуваа во сообраќајна несреќа утрово околу 8 часот на автопатот кон Гевгелија, објави Press24 повикувајќи се на полициски извори.
Според информациите, џипот Митсубиши Пајеро кој го управувал таткото на Шеќеринска, 68 годишниот А.Ш., а во кој покрај заменичката на Заев се превезувала и нејзината мајка имал судир со автомобил Шевролет Авео со гевгелиски регистарски таблички управуван од 29 годишната Б.Т. која по несреќата се пожалила на повреди и била префрлена во болница.
„Ја информираме јавноста дека денеска, кај населеното место Мрзенци (Гевгелија), се случила сообраќајна незгода при што возило, коешто претекнувало камион на недозволено место на патот, преминало на другата страна од коловозот и удрило во приватното возило во коешто се превезувала и заменик претседателката на СДСМ, Радмила Шекеринска, со нејзините родители. Заменик претседателката Шекеринска и сопатниците се во добра здравствена состојба“, стои во соопштението од СДСМ.
Потврда на информацијата пристигна и од МВР.
.gif)
.gif)
