„Во името на Единстена Македонија и во свое лично име дозволете ми најпрво да Ви го честитам 1 мај и истовремено да ја споделам тажната слика со работниците кои во изминатите 27 години се ограбени, понижени и најсурово опљачкани од „Партијата погреб за Македонија„ составена од ВМРО-ДПМНЕ и СДСМ.
Најпрво СДСМ во криминалната приватизација го опљачка работничкиот имот од околу 5 милијарди тогашни германски марки кој го создаваа 45 години наназад сите работни луѓе во социјализмот. Дополнително, транзициските бандити украдоа уште 2 милијарди германски марки од шверцот со нафта за време на ембаргото на Обединетите нации спрема Сојузна Република Југославија.
Овој грабеж на работниците е документиран во Секторот за организиран криминал при Управата за безбедност и контраразузнавање во рамките на Оперативната акција „Трансформација„ и Оперативнта акција „Монета“, меѓутоа, повеќе од две децении останува закочен во фиоките на тајната полиција.
Дополнително, ВМРО-ДПМНЕ во постприватизациски период украде од работниците околу 5 милијарди евра.
Значи, единствената разлика меѓу СДСМ и ВМРО-ДПМНЕ е во тоа што едните краделе од работниците во германски марки, а другите во евра.
И не случајно бандитите од ВМРО-ДПМНЕ и СДСМ кога ја напуштаат власта заминуваат како најголеми капиталисти врз грбот на работниците без никаква одговорност за грабежот.
Работниците заслужуваат подобро. Но, ова е можно само ако биде исправена историската неправда со бесмилосниот грабеж на работниците од страна на СДСМ и ВМРО-ДПМНЕ.
Република Македонија мора да го изоди уште еднаш патот од 1991-та.
Затоа, Единствена Македонија не дава празни ветувања. Единствена Македонија ќе расчисти со приватизациските и постприватизациските бандити кои ги опљачкаа работниците, храбро, решително и во интерес на работниците, украденото ќе се одземе и ќе се врати на народот.
Со почит,
Центар за комуникации на Единствена Македонија
.gif)
.gif)
