Откако и дадов вода и шеќер ми кажа – имам 72 години, јас сум тетка на Груевски, не донесоа од комитетот и ни рекоа дека мора да се влезе во Собрание…

Долго време се мислев дали да споделам еден настан од тој лош датум 27 април…ама ај. Да видите во каква држава сме живееле.

27 ми април, се дешава што се дешава. Се обидувам да стасам до прес центарот… на приземјето се пробивам измеѓу новинарски екипи целите збунети. Новинари се караат со уредници, бараат коридор за извлекување, камермани гледаат колку им е оштетена опремата…Накај мене во тој моментот оди една од пратеничките на ДПМНЕ (плава, млада па погодете која е…) Влече со неа една постара жена…Едвај стои кука вика…сфаќам дека е нешто сериозно, но очигледно дека е од оние што влегоа ДА ЈА БРАНАТ МАКЕДОНИЈА УБИВАЈЌИ ПРАТЕНИЦИ.

Пратеничкава успаничена апелира да и се помогне на женава. Бидејќи нема каде, нема кој, ми проработува во мене човечкото. „Дај ми ја мене!“ Ја поземам женава, полека ја прашувам што и е…„ДИЈАБЕТИЧАР СУМ СИНЕ!“ ми одговара на источен дијалект….„МИ ПАДНАЛ ШЕЌЕРОТ, СЕ ПОТАМ НЕ МОЖАМ ДА ДИШАМ, ИНСУЛИН…ШЕЌЕР!“.

И таман да си отидам од неа ми вели тивко: „ИМАМ 2 ВНУКИ, ДИПЛОМИРАА СО 10 ПРОСЕК НА БЕЗБЕДНОСТ…АМА СДСМ СЕ, НЕ ГИ ВРАБОТУВААТ НАМЕРНО. ИМ СЕ ЈАВИВ СЕГА ИМ ВИКАМ,СКРИЈТЕ СЕ ДЕЦА НЕ КАЖУВАЈТЕ ДЕКА СТЕ СДСМ,ОПАСНО , МНОГУ ОПАСНО…ОВИЕ ПА ОД СДСМ ЅВЕРОВИ, МАКЕДОНЦИ НЕ ПОЧИТУВААТ, ДА МОЖАТ СИТЕ ЌЕ НЕ ПРОДАДАТ И НА УЛИЦА ЌЕ НЕ ФРЛАТ…ЛОШО Е! “….

Станав, се поздравив и кратко и реков реков „ТЕТКЕ,ЈАС СУМ ОД СДСМ…“ Ме погледна…се збуни целата…пак приседна на скалите…смени боја и само промрморе „ ДА СИ ЖИВ И ЗДРАВ,ТОА Е…“

Речиси две недели по настанот…уште сум збунет…Биди човек…ама ајде де!

Бојан Василевски – Фејсбук статус