Ник Блејк, автор на фотографијата, вели дека нејзината насмевка топи и ледени срца, а ја фотографирал на пет метри под површината на водата во близина на островот Ланди во Бристолскиот канал. Оваа фотографија освоила златен медал на натпреварувањето за најдобра подводна фотографија, а на ова место инаку живее колонија од околу 180 диви фоки.
Блејк вели дека во текот на фотографирањето најмногу уживал во друштво на младенчињата кои биле најразиграни и највесели.
“Колку повеќе време минувате под вода со нив, тие стануваат поинтересни. Секогаш има една која е највесела и сака да си игра со вас и вашата опрема”, вели фотографот.
Веселата подводна игра траела околу половина час и како што наведува Блејк, трикот за добра фотографија е да ги игнорирате, за тие да се заинтересираат за вас.
“Доколку не им обраќате внимание тие ќе почнат самите да ви приоѓаат. А тогаш е вистинскиот момент за фотографија”, вели Блејк.