Дополнителниот заменик-министер за земјоделство, шумарство и водостопанство Љупчо Николовски денеска до Основното јавно обивнителство за гонење организиран криминал и корупција поднесе кривична пријава против министерот Михаил Цветков.
Кривичната против Цветков, изјави Николовски, е за злоупотреба на службена положба и овластување.
– Оваа кривична пријава со сите обезбедени докази, е за скандалот со доделувањето тендер од Министерството, тежок половина милион евра, на фирмата „Силекс неметали“, сопственост на „Силекс“ АД Кратово. Кога „Силекс неметали“ го добил тендерот и кога се исплатени средствата преку Платежната агенција, Михаил Цветков во исто време е министер за земјоделство, но и член на Управниот одбор на „Силекс“ АД Кратово, нагласи Николовски по доставувањето.
Ова, оцени дополнителниот заменик-министер, е класичен судир на интереси, злоупотреба на државните институции и на парите на граѓаните, како и на медиумите, што покажува дека е нопходно нивно регулирање.
– Одговорност за овој случај мора да има. Секој што го прекршил законот, ќе одговара, подвлече Николовски, додавајќи дека очекува процесуирање на кривичната пријава во најскоро време.
Кривичната пријава е прва за министерот Цветков од дополнителниот заменик-министер откако досега беа поднесени неколку против раководители на подрачни единици на Министерството за земјоделство.
.gif)
.gif)
