Најнова прогноза на Славчо Попоски за утрешниот ден (понеделник)

За разлика од изминатите денови во текот на утрешниот ден ќе  имаме малку посвежо време но и покрај тоа ќе биде релативно топло. Во утринските часови на повиќе места температурите на воздухот ќе се спуштат под нулата.

Времето утре (20.02.2017) во Македонија во утринските и претпладневните часови ќе биде променливо облачно со сончеви периоди додека на планинските места не се исклучува можноста за сосема слабо и локално провејување на снег. Во текот на попладневните часови облачноста ќе се намали и времето ќе биде сончево со умерена локална облачност. Сепак најведро ќе биде во источната половина од државава.

Ќе дува слаб до умерен ветер од северен правец кој Долж Повардарието ќе се засилува по интензитет. Минималната температура ќе се спушти во интервалот од -6 до 2 степени додека маклималната ќе се искачи во интервалот од 4 до 12 степени.

Следете го официјалниот фејсбук профил на СЛАВЧО ПОПОСКИ