Германската канцеларка Ангела Меркел даде изјава за новинарите во Брисел по завршувањето на Самитот на ЕУ.
Меркел вели дека сметала дека е подобро да се третираат кандидатурите за членство на Северна Македонија и Албанија заедно, наместо да се дадат пристапни преговори само на Скопје.
Германската канцеларка го наведе фактот дека значителен број етнички Албанци живеат во Северна Македонија, како една од причините за нејзината одлука. Таа, исто така, тврди дека Албанија презела големи реформи, како што е ветингот на судиите, што не треба да се занемарува.