Куќа која лебди над океанот

Спектакуларната куќа во областа Викторија, со причина е една од најфотографираните куќи во Австралија. Со внимателно проектирање направена е илузија дека таа лебди во воздухот, на 40 метри над океанот.

Впечатокот дека куќата лебди, се стекнува со набљудување од одредени агли, особено од почетокот на мостот кој ја поврзува куќата со патот.

Од друга перспектива станува сосема јасно дека куќата стои на 15 метарски столб над падините на ридот. Илузијата се разбива од секој друг агол, но куќата не губи од атрактивноста. Кога ќе се премине 17 метри долгиот мост кој води до куќата, од неа се пружа спектакуларен панорамски поглед на шест километри долгата плажа и океанот.

Куќата претставувала атракција уште од 1978 година, кога ја изградил архитектот Френк Диксон. Изградена била во целост од дрво, а после 40 години почнала да се распаѓа. Семејството Диксон се разделил од својот летниковец во 2005 година за 1,75 милиони австралиски долари, но поднеле жалба и барање куќата да биде ставена на листата на заштитени објекти кога новите сопственици, Кети и Рејмонд Адамс, решиле да ја срушат. Желбата не била усвоена, но сопствениците сепак решиле новата куќа да изгледа многу слично на старата.

На почетокот на 2013 година, архитектот Франко Фиорентини од студиото “F2 Architecture” започнал со реконструкција на куќата. Како резултат настанал нов, модерен објект на веќе славната основа. Куќата останала во истите димензии и облик, а елегантниот дизајн, оригиналната идеја на Диксон и фантастичната локација им овозможиле на новите сопственици да ја издаваат за 400 евра од вечер.

Со една спална соба и едно купатило, куќата е наменета за две личности без деца кои се во потрага по незаборавно доживување.

Модерниот ентериер со искривени ѕидови и прозорци од земјата до таванот, е надополнет со најнова технологија. Во чешмите се вградени светла кои покажуваат различна боја во зависност од топлината на водата, креветите се развлекуват со притиснување на копче, завесите кои ги покриваат ѕидовите и прозорците се повлекуваат со друго копче…

Пријатниот оган од висечкиот камин и панорамскиот поглед кој го одзема здивот, ќе ве убедат дека ни внатрешноста на куќата не е ништо помалку спектакуларна.

https://www.youtube.com/watch?v=rFgNhoPUkYI