ИНТЕРЕСЕН ПРЕДЛОГ НА ПРОФЕСОРОТ ЃОРЃИ СПАСОВ: Опозицијата треба да го повика народот на тотален бојкот на државата и монополите, значи да не се плаќаат сметки за парно, струја, вода, телефон, даноци, бојкот на брендовите кои му даваат поддршка на режимот, блокирање на сите сообраќајници во земјава!

Многу интересна колумна на професорот Ѓорѓи Спасов во Утрински Весник. Еве еден дел:

Груевски мора да сфати дека опозицијата веќе нема што да изгуби освен својата слобода. А таа веќе ја имаат изгубено многумина опозиционери.

Опозицијата треба да продолжи и да ги засили протестите, но со вистински Гандиевски методи, а не само со дискозабави. Тие подразбираат доведување во прашање на интересите на власта и на нејзините монополи. Масовно неплаќање на сметки за радиодифузија, неплаќање сметки за струја, неплаќање сметки за мобилните оператори, штрајкови на ниско платените работници во странските компании, протести и блокирање на раскрсниците во време на најголемиот сообраќај, блокирање на влезовите на државните институции и создавање свест дека без согласност на опозицијата Груевски не може да владее.

Истовремено, опозицијата треба во кампот на слободата пред владата и по други кампови низ земјата да продолжи со објавувањето на „бомбите“, односно со проектот „Вистината за Македонија“, со презентирање и дебати за своите програмски идеи и со постојано проширување на коалицијата „Граѓаните за Македонија“. Додека неговите кампери пред Собранието јадат сладолед и не знаат зошто се таму, опозицијата ќе ја подготвува својата голема победа на наредните избори и промените кои сите граѓани ги очекуваат.

Целата колумна ја имате на следниов линк.