Единственото нешто што актуелниот креатор на кризата во Македонија, Иванов, можеше и требаше да го направи вечерва е да го повика Зоран Заев на средба за да му го додели мандатот за состав на влада. И толку. Но, занесен на крилјата од масата што млатеше и кршеше вечерва низ парламентот, уште се гледа себе си како институција.
А готово е! Да има трунка човештина во оваа слика на човек, ќе имаше и збор за сочувствување, збор за болка, збор за љубов, барем. Никогаш немам видено вакво обезличено и бесчувствително, скоро механичко обраќање во вакви драматични моменти. Со лист хартија. Од која чита! Чита! Не се обраќа!
Претставникот на баграта што млатеше и кршеше. Нивниот “цар” како што го нарече еден вечерва. Но, царот е гол и тоа нема кој да му го каже. Се уште “претседателствува”. Дур се спрема да “бега во Јасен”! Ех, бедо! На што спаднавме сите ние со тебе.
Елеонора Каранфиловска Ретклиф
.gif)
.gif)
