Изутринава, официјално започна изградбата на првиот ИКТ центар за опоравување од катастрофи и обезбедување на континуитет со работа во Прилеп.
За ИКТ Центарот обезбедени се 3,25 мил. евра преку ИПА програмата, а задоволството е големо кога се знае дека овој сервис е прв од ваков вид во регионот. На граѓаните мора да им ја гарантираме безбедноста на нивните податоци. – изјави премиерот Зоран Заев
Исто така, премиерот Заев во придружба на министерот за внатрешни Оливер Спасовски, министерот за финансии Драган Тевдовски како и градоначалникот на општина Прилеп Илија Јовановски ја отворија и новата пречистителна станица во Прилеп, најголемата до сега во државата. Со новата пречистителната станица, финансирана од ИПА 1 и буџетски средства од околу 10 мил. евра, Прилеп добива чиста животна средина, а граѓаните ќе консумираат чиста храна, наводнувана со чиста вода.
Премиерот Зоран Заев и владата изразија огромна благодарност до ЕУ и амбасадорот Жбогар за посветената поддршка и помош во инфраструктурниот развој на Република Македонија.
Македонија го фати европскиот чекор. Европа ја носиме во Македонија, ова се европските придобивки за нашите граѓани. – изјави премерот Зоран Заев пред присутните.