Заев на средбата со Насер Селмани: ВМРО-ДПМНЕ се уште се противи на решенијата за слободни медиуми

0
1497

На иницијатива на ЗНМ денеска се одржа средба на претседателот на СДСМ, Зоран Заев, придружуван од советникот на претседателот за комуникации и креирање политики, Роберт Поповски, и претседателот на ЗНМ, Насер Селмани, придружуван од делегација на ЗНМ, стои во соопштението на СДСМ.

„На средбата Заев го информираше претседателот на ЗНМ, Селмани, дека една од клучните темите за разговор, во рамки на политичкиот дијалог под покровителство на меѓународната заедница, се реформите во медиумите, коишто се услов за слободни, фер и регуларни избори.

При тоа, Заев укажа дека во оваа фаза на разговори ВМРО-ДПМНЕ се уште се противи на можните решенија што значат овозможување на медиумите слободно да ја извршуваат својата вистинска и значајна улога во општеството.

Од суштинско значење е да се овозможи АВМУ да ја извршува улогата на регулатор во медиумската сфера, а МРТВ да биде вистински јавен сервис во интерес на објективно, непристрасно и избалансирано информирање на граѓаните.

Заедничка оценка е дека без медиумски реформи, без слободни медиуми, нема услови за слобони, фер, демократски и регуларни избори“, стои во соопштението на СДСМ.