Ермира Мехмети: Снимките кои се објавија на Јутјуб се монтирани за политичка уцена

Пратеничката Ермира Мехмети денеска го повика Специјалното јавно обвинителство да поведе постапка во врска со снимка од приватен телефонски разговор кој неодамна се појави на Јутјуб, а за кој се тврди дека е меѓу вицепремиерот Муса Џафери и Мехмети.

– Станува збор за монтирани снимки кои се користени за политичка уцена уште од јануари. Јас дадов исказ во Јавното обвинителство да го истражува случајот, а го повикувам и Специјалното Обвинителство да поведе постапка, изјави Мехмети за НОВАТВ.