Ермира Мехмети: Кога се напаѓа еден пратеник, се напаѓа еден народ

Кога се напаѓа еден пратеник, се напаѓа еден народ. Во секоја напредна нација, нападот врз еден пратеник ја добива најсилната казна. Собранието, како дом на суверенитетот реагира, а државните органи работат да го осветлат настанот.

Но, во недемократските општества, во кои партијата ја држи целата држава во раце, а Собранието е само орган на извршување наредби на партијата, нападите врз пратениците се премолчуваат, не се казнуваат и не се наоѓаат сторителите на делоито.

Народот се плаши од казната на партијата, медиумите се плашат од губење на рекламите, а аналистите не сакаат да се измешаат во конфликтот, затоа што подобро им е да се со повеќето, отколку да бидат нападнати од партијата. Така се случува на еден пратеник му се крши автомобилот и не реагира никој, друг пратеник е нападнат надвор од локал и никој не се повикува на одговорност… некој ден некој пратеник може да биде убиен, и повторно никој нема да одговара…

Ова е основниот показател дека едно општество не е ниту слободно, ниту демократско. Во меѓувреме, лидерите го продолжуваат рефренот, сега веќе и досаден и научен напамет за ‘стандардите и реформите’, а немаат одговор за тоа кој стои зад црната рака што напаѓа пратеници.

Нападнатиот народ за нив има само една порака: Добро ќе беше да се даде одговор на овие сериозни проблеми, а за реформите, ни останува уште многу да се надеваме.

Ермира Мехмети, фејсбук статус