ДРАМА ВО КЛУБ НА ПРАТЕНИЦИ: Груевски не сакал да дојде на состанок со Орав и Бејли, тие го довлечкале за уши како прваче да им реферира за предлог законот за бомбите!

Попладнево, во Клубот на пратениците каде што се одвиваат преговорите околу решение за Изборниот закон, информацијата дека ВМРО-ДПМНЕ и ДУИ најавиле закон за цензура на „бомбите“ создала нервоза кај опозициските партии и кај странците.

Заради тоа, според извори на Либертас, амбасадорите Бејли и Орав по телефон го повикале Груевски веднаш да дојде и да им објасни за каков закон се работи.

Груевски дошол, останал со нив само петнаесеттина минути и си заминал.
Инаку, претходно, во текот на преговорите, амбасадорите Бејли и Орав на Заев и Тачи им го презентирале нивниот предлог за Изборен закон.
Ахмети и Груевски отсуствувале.
Отсуството на Ахмети било оправдано, со образложение дека починал таткото на вицепремиерот Муса Џафери.

Предлогот на Европската унија и САД за новиот изборен закон од страна на владеачките партии го слушнале министрите Никола Поповски и Никола Тодоров, како и Артан Груби од ДУИ.

Преговорите околу донесување на Изборниот закон е обврска од договорот во Пржино се во тек.