ДОМ го поздрави договорот за разрешување на политичката криза во Македонија, но смета дека за негова успешна имплементација е потребна транспарентност и вклучување на повеќе партии, невладини организации и пошироката демократска јавност.
Партијата смета дека доколку се остави за суштинските прашања во земјата да одлучуваат само два пати по две партии, ќе се даде легитимитет на бипартиски и бинационален принцип, кој е и дел од причините за кризата, што, како што посочуваат, ќе предизвика уште поголема поделеност на македонското општество.
Затоа ДОМ упатува осум барања, меѓу кои и вклучување партии заради промена на изборниот модел во една изборна единица со отворени листи, потоа, како што посочи на прес-конференцијата претседателката на партијата Лилјана Поповска, итно сопирање на неовластеното прислушкување и секој вид политички притисок, итна ревизија на сите судски процеси за кои има индиции дека биле монтирани преку судии и обвинители кои работеле по политички диктат или од криминални мотиви, да се испита содржината на т.н. бомби, да се донесе закон за зеленило, како и да се овозможи пристап до медиумите за сите политички и неполитички субјекти, кои покренуваат теми што ги засегаат граѓаните.
.gif)
.gif)
