Денеска во 18 часот се отвора Лотаријата за зелена карта за САД

0
1552

Лотаријата за зелена карта за 2018 година, со која се овозможува легален постојан престој во САД започнува денеска во 18 часот, а завршува на 7 ноември 2016 година, исто така во 18 часот, соопшти Амбасадата на САД во Македонија.

Кандидатите можат да се пријават на официјалната веб страница www.dvlottery.state.gov, каде има целосни инструкции.

Амбасадата соопштува дека за пријавување во програмата не се плаќа административна такса.

На учесниците во лотаријата им се сугерира да ја чуваат потврдата најмалку до 30 септември 2018 година бидејќи тој број е единствениот начин преку кој ќе може да се провери дали некој е избран за иселеничка виза. Стејт Департментот нема да ги контактира учесниците преку електронска пошта, туку тие самите треба да проверат дали се избрани на 2 мај 2017 година.

„Доколку добиете електронска пошта која ви кажува дека сте биле избрани, тоа е измама“, предупредува Американската амбасада во Скопје.

Учесниците во лотаријата за зелена карта мора да се пријават со нова фотографија и смеат да се пријават само еднаш.