Грујо фатен на дело како ЛАЖЕ за „новата“ лабараторија во Клинички: Тестовите за кои пропагандата вели дека за прв пат ги работиме, ќе ви кажам дека ги работиме околу 15 години!

После ова снимање се случуваше вработени во Клиниката да ме прашуваат за новата лабораторија. Во интерес на вистината јавно ќе споделам неколку работи.
Прво околу НОВАТА ЛАБОРАТОРИЈА, ќе ви кажам дека јас работам близу 30 години во неа.

Во делот за анализи за рано откривање на аномалии кај плодот, популарно наречен PRISCA 1 и Prisca 2 кои во текстот се вели дека за прв пат ги работиме, ќе ви кажам дека ги работиме околу 15 години.

Она со што Претседателот на ВМРО можеше да се пофали а да одговара на вистината е дека, во неговото премиерување PRISCA тестот кој претходно се работеше само на приватно и кошташе околу 3500,00 денари прејде на листата на анализи со партиципација, а од јануари 2016 и без партиципација.

Околу апаратот тврдам дека во истиов момент барем 2 фирми би дале нов, беспари само да им се трошат тестови.

Она што оваа делегација воопшто не ја интересираше а не превзема ништо ни постојниот како и претходниот менаџерскиот тим е

КАКО РАБОТИМЕ ВО ПРОСТОРИИ БЕЗ ВОЗДУХ односно каков вентилационен систем има Клиниката.

Фејсбук статус на Стојка Накевска