Порталот Доказ објави документ – известување кое го добил кандидат кој се пријавил на конкурсот за работното место „Координатор за проекти и маркетинг“.
Во известувањето потпишано од генералниот директор, м-р Дејан Бошковски, стои дека на ова работно место е избран кандидатот Драгиша Милетиќ.
Веројатно се работи за претседателот на Српската напредна странка кој беше дел од опозициската коалиција се до локалните избори во 2013 година кога дојде во фокусот на јавноста откако му го позајми печатот на Стевчо Јакимовски за да може да се кандидира на локалните избори.
Тој и неговата партија беа во коалиција со ГРОМ на Јакимовски за парламентарните избори во 2014 година, а откако добија само еден пратеник, Милетиќ изјави дека носителот на пратеничката листа на ГРОМ, Чедомир Саздовски, ќе се повлече, и тој ќе седне во пратеничките клупи, бидејќи таков договор имале со Јакимовски.
Сепак, тоа не се случи, па веројатно координирањето во ЕЛЕМ ќе му дојде како утеха.