Никола Груевски и Али Ахмети се договориле за Влада и тоа е единствената вистина, рече лидерот на ДПА во оставка, Мендух Тачи. Тој рече дека според неговите информации, Ахмети побарал поддршка за таа Влада од Алијансата на Албанците, а договорен бил и претседател на Собранието Албанец.
Тој ги отфрли шпекулациите дека дал поддршка на Ахмети и рече дека од него побарал оставка поради катастрофалниот резултат.
Има многу неточни работи во јавноста, Ахмети кажа дека се слушал со мене, лага е дека го поддржувам Ахмети, јас му реков на телефон дека сум дал оставка, но дека и тој треба да даде оставка. На 28 јануари попладне, се виделе Ахмети со Алијансата на Албанците и се договориле да ја поддржат владата на Груевски. Ова се точните информации, се друго е шпекулација, рече Тачи.
Тачи додаде дека нема да даде поддршка на ниту една Влада и дека во секој случај ќе остане опозиционер и кажа дека имал неформални средби со сите освен со Ахмети.
Извор и видео : А1он
.gif)
.gif)
