Интегрално го објавуваме сооопштението на портпаролот на СДСМ, Петре Шилегов, кој денеска беше во посета на Радовиш:
„Празните ветувања на Никола Груевски се празни ливади.
Денес сме во Радовиш. Ги следиме лажните ветувања на Груевски.
Се наоѓаме во ТИРЗ зоната Радовиш.
На оваа ливада пред две години обвинетиот Никола Груевски свечено фрли лопата на камен темелник и повторно ги изговори истите лаги за странски инвестиции и за нови работни места.
Како и секаде ширум државата, Груевски ги излажа и луѓето од Радовиш за инвестициски бум, за нови работни места, за нови фабрики.
После цели две години, како што може да се види, инвестицискиот бум на Никола Груевски се сведува на израсната трева, на празна ливада.
Тука нема ниту фабрики, ниту нови работни места во Радовиш.
Ги нема ниту инвестициите од 11 милиони евра што беа најавувани. Овде требаше да има инфраструктура, улична мрежа, водоводна и телекомуникациска инфраструктура, мрежа за снадбување со електрична енергија, мрежа за снабдување со гас на фабриките.
Ако Никола Груевски лажеше за нови вработувања и нови работни места кај што ќе стигне, нему повеќе за ништо што ветува не може да му се верува.
Оваа празна ливада е доказ за тоа.
Над 6 милиони денари, народни пари од Буџетот на Р.Македонија се потрошени на оваа ливада.
Овие празни ливади ги испразнија и куќите и домовите од млади луѓе и во Радовиш и во Македонија. Фабриките што требаше да ги вработат никогаш не се отворија.
За да ги задржиме младите во нашата држава, оваа неодговорна власт мора да замине!
На 11 декември граѓаните ќе си го вратат животот во Македонија!“, рече Шилегов.
.gif)
.gif)
