Вработени во Ректорат и ректорот Велимир Стојковски утрово ги дочека блокиран влез од страна на студенти, кои го бојкотираат изборот за нов ректор на УКИМ, закажан за 10 часот, објави Радио МОФ.
Студентите велат дека се одлучни и нема да заминат се додека нивниот глас не биде слушнат.
„Ние почнавме со блокада на Ректоратот, како единствен начин да се бојкотира нелегалниот и нелегитимниот избор на нов Ректор. Ова го правиме заради корумпираните студентски претставници во Сенатот.
Дојди и приклучи се!“, напишаа од Студентски пленум на Фејсбук утрово.
Денеска беше предвидено да се дознае победникот во трката за нов ректор, помеѓу екс министерот за образование и професор Ненад Новковски и актуелниот декан на Медицинскиот факултет Никола Јанкуловски.
На изборот, право на глас имаат десет студентски претставници од СПУКМ, за кои Студентски пленум вели дека се нелигитимни.
.gif)
.gif)
