Скопското обвинителство се уште ја истражува смртта на Коста Крпач но останува на ставот дека во предистражната постапка е утврдено дека станува збор за самоубиство, пренесува Телма.
Основното јавно обвинителство – Скопје продолжува и натаму да работи на утврдување на причините и околностите под кои настапила смртта на лицето К.К. Во таа насока, се очекуваат резултатите од уште едно вештачење, но и податоци од други институции кои во јавноста излегоа со тврдења дека поседуваат информации за случајот, одговорија од јавното обвинителство до Телма.
Во својот одговор, обвинителството не открива какво вештачење чека, но прецизно е објаснето дека досега СЈО не одговорило на нивната ургенција да им кажат под какви притисоци бил Крпач.
Иако сведок, претседателот Ѓорге Иванов го стави името на Крпач на листата на неговата пишман аболиција, по што СЈО бараше информации како Крпач се нашол на списокот на Иванов.
СЈО објави дека Крпач им пријавил закани и притисоци. Истрагата сега треба да открие дали и какви закани имало и како тие влијаеле на смртта на сведокот на СЈО.
Досега не е откриено проштално писмо од Крпач. Од скопското обвинителство одговорија и дека сопругата на сведокот која е вработена во УБК досега не пријавила каква било закана кон неа.
ВИДЕО прилогот ОВДЕ
.gif)
.gif)
