Шпанска школа за фудбалски тренери го вработила сирискиот бегалец Осама Абдул Мосен, кој се најде на насловните страници на светските медиуми откако унгарската снимателка го сопна на границата додека бегаше со своето дете.
Мосен, кој е поранешен менаџер на сирискиот прволигаш Ал Форува, треба да добие работа во школата за тренери „Сенафе“, во предградието на Хетафе.
„Ние сме национална тренерска школа, па одлучивме да му помогнеме на колегата тренер“, изјавил директорот на школата Мигел Анхел Галан, откако на медимите слушнал што е Мосен по професија, пренесува АФП.
Мосен ќе дојде со две од своите деца, додека неговата сопруга со ушт едве деца ќе пристигне подоцна.
„Тие ќе ги добијат најважните работи: стан, храна облека и работа“, вели Галан, притоа соопштувајќи дека еден колега од школата кој зборува арапски веќе отпатувал во Германија за да го доведе Мосен во Шпанија.
Инаку, видео снимките кои го заобиколија целиот свет покажуваат како Петра Ласло го сопнува Мохсен на трева додека трча со своето синче в раце, во близина на српската граница со Унгарија. Непосредно по ова, камерманката доби отказ од телевизијата каде што работела.