Само три недели по отворањето Центарот за аутизам во Штип не работи. Вратите се затоврени. Децата со аутизам од цела Источна Македонија и понатаму се незгрижени и без соодветна стручна едукација која им е неопходна за нивна социјализација и вклучување во секојдневното живеење, рече Марија Костова, советник од СДСМ и коалициските партнери.
Иако помпезно беше отворен на 26-ти септември, во присуство на министерот за труд и социјална политика, Диме Спасов, Центарот за аутизам за Источна Македонија не работи.
Очигледно за Никола Груевски се е гол популизам со кој власта предизборно сака да манипулира со одредена категорија на граѓани на кои им е потребна искрена помош.
Министерот за труд и социјална политика, Диме Спасов, како и локалната власт, на чело со градоначалникот Илчо Захариев треба да одговорат:
Зошто не работи Центарот за аутизам во Штип само три недели од отворањето?
Дали не е обезбеден кадар со соодветна стручна подготовка и затоа центарот не може да функционира?
Имате ли мирна совест после оваа манипулација? Ќе понесете ли одговорност?
За СДСМ унапредувањето на состојбата на лицата кои живеат со аутизам и нивното интегрирање во општеството е исклучително важно и ќе продолжиме да алармираме, да прозиваме и да се бориме за нивните права.
.gif)
.gif)
