„Објавувањето на случајот ТНТ на независната институција СЈО, потврди дека рушењето на Космос, нарачано од Никола Груевски и Миле Јанакиески, е реализирано од градоначалникот Тони Трајковски од ВМРО-ДПМНЕ.
Јавноста е згрозена од незаконското и криминално работење на аболицираниот градоначалник Тони Трајковски“, рече Дарио Николовски, советник и координатор на советничката група на СДСМ во Гази Баба.
„Бараме аболицираниот градоначалник Тони Трајковски веднаш да си поднесе оставка. Човек што учествувал во криминални активности не може да ја води општина Гази Баба.
Дополнително, Тони Трајковски треба да побара повлекување на аболицијата од Ѓорге Иванов за институциите да можат да спроведат законска постапка.
Одговарност за рушењето на станбено деловниот објект Космос мора да има за секој што го прекршил законот.
Бидејки помилуваните политичари не можат кривично да се гонат, отворени се истраги и се осумничено 4-ца вработени во општината.
Градежната испекторка Елизабета Најдовска е осомничена за злоупотреба на службената положбапоради што изготвила несодветно решение за уривање.
Осомничени се и 3-ца членови на Општинската комисија за јавни набавки затоа што во итна и постапка за 3 милиона денари избрале изведувач на уривање со динамит иако не ги исполнувал условите за таква дејност.
За сите злоупотреби мора да следуваат соодветни законски постапки. Секој што го прекршил законот мора да одговара“, изјави Дарио Николовски.
.gif)
.gif)
