Изјава за медиуми,
Стево Пендаровски, носител на кандидатската листа на СДСМ и коалицијата во ИЕ 1
Скопје, 07.12.2016
Според нашите економски експерти, Владата на РМ, онаа сегашната, годишно како буџет испумпуваше по 400 милиони евра. Ако знаеме дека се 10 години на власт, лесно ќе дојдеме до крајната бројка на украдени пари од буџетот пред се преку тендери, што изнесува преку 5 милијарди евра.
И тоа е само еден начин на кој Владата крадеше пари од граѓаните и од сопствената држава. Има уште десетина начини на кои ги испумпуваа парите од македонските фирми и од семејствата.
Вкупната бројка на украдени пари во изминативе десет години во РМ, украдени од Владата на РМ изнесува 7 до 8 милијарди евра.
Главното прашање кое го поставуваат граѓаните е дали тие пари можат да се вратат и дали тие што го направија овој најголем грабеж ќе одговараат.
За ова постои неспорна политичка волја кај опозицијата предводена од СДСМ, тоа да го направи. Од првиот ден институциите ќе ги гонат криминалците кои ова и го направија на сопствената држава.
Во однос на тоа дали постојат механизми за враќање на украдените пари- Да постојат. Постојат и денес во позитивните прописи и нема никаков проблем тој имот да се конфискува, независно дали е тука или надвор, затоа што преку меѓународна правна помош ние можеме да ги вратиме и тие пари.
Нашите проценки се дека од сите украдени пари до сега, од тие 7 до 8 милијарди евра за една деценија, можеме во првите две години од мандатот, со јасна политичка волја, со добар план и стратегија и со оставање на надлежните органи да работат слободно според законот, можеме да вратиме барем 40 проценти од таа сума.
Тие пари ќе се вратат кон граѓаните на РМ, кон државата од кои беа опљачкани.
Најбрз начин да видите како парите се враќаат кон вас е во недела за заокружите број 4 во сите изборни единици и на тој начин да си овозможите и себеси и на државата нов почеток.
.gif)
.gif)
