Едно лице загина, а двајца се повредени во вооружена пресметка на две групи вечерва во тетовска Мала Речица, објави „Порталб“ повикувајќи се на неофицијални информации.
Тие застанале на улица и пукале едни кон други од два различни автомобили.
Неофицијално, Либертас дознава дека се работи за пресметка меѓу припадници на ДУИ од Скопје и од Куманово која се случила по средба во седиштето на партијата во Мала Речица. Наводно, двете групи се пресметале со калашникови кај маркетот Спара во близина на партиското седиште.
Дополнето:
Артан Груби од ДУИ за весникот „Коха“ од Косово вели дека инцидентот се случил далеку од седиштето на партијата и дека наскоро ќе излезат со официјално соопштение.
Весникот на албански јазик Коха, повикувајќи се на неофицијални информации, објави дека убиениот е Наип Реџепи од Куманово.
Порталб објави и две видеа од местото на престрелката каде моментално има полиција: