Пусти се улиците во Пробиштип и Злетово, останале само пензионерите, стечајците, жените и кучињата скитници, пренесува „Телма“.
Рударите кои пред седум месеци останаа без работа, веќе заминале по парче леб во рудниците во Србија и Косово, каде имаат плата од 800 евра.
Сепак изборот на нов концесионер за олово-цинковните рудници Злетово и Тораница влева надеж кај повозрасните жителите дека младите и рударите ќе се вратат во овој регион.
Синдикатот алармира дека околу 1.000 рудари во Пробиштип и Крива Паланка последниот паричен надоместок ќе го дибијат во април, поради тоа мора да се рестартираат рудниците.
Бугарски Минстрој е избран за нов концесионер на рудниците, но две фирми кои беа исфрлени од електроската лицитација поднесоа жалби дека се обесправени.
Во тек е и стечајната постапка, засега Собранитето на доверители неможе да го продава имотот.
Рудниците Злетово и Тораница во моментов се одржуваат од страна на државата, стечајната управничка набавила и нова пумпа со цел да не се поплават рударските окна.
Новиот концесионер, кој пред неколку дена официјално беше преставен најави дека ќе инвестира во овие рудници, а на рударите ќе им обезбеди опрема и безбедни услови за работа.
Видео прилогот може да го погледнете ОВДЕ
.gif)
.gif)
