Австралиската полиција за новинската агенција Мета потврди дека минатата недела во Мелбурн го уапсила и испрашала надлежниот митрополит на австралиско-новозеландската епархија владиката Петар во рамки на истрага за кражба и лажно сведочење.
„Полицијата во Викторија уапси и испраша 70-годишен човек од Каролајн Спрингс во рамки на истрагата за кражба и лажно сведочење. Тој е ослободен и се чека продолжување на истрагата“, соопшти полицијата во Викторија“, одговориле на прашањето на Мета, дали владиката Петар бил уапсен и по која основа.
Владиката Петар, минатата недела демантираше дека полицијата во Мелбурн го уапсила, велејќи дека бил на сослушување по претходно добиена покана. Тој истакна дека веста за неговото апсење е лага и конструкција зад која стојат струмичкиот владика Наум и игуменот Гаврил против кого се води црковноканонска судска постапка за расчинување.
Извор: Мета
.gif)
.gif)
