(Аудио) Слушнете ја новата бомба, слушнете за какви лудаци и будали Грујо мисли дека ќе ѓи имало во учебник, епа ќе ѓи има ама под глава насловена САТРАПИТЕ НА МАКЕДОНСКИОТ НАРОД!

Почитувани граѓани, почитувани претставници на медиумите Добар ден,

Слушнете ги овие аудио снимки.

(Снимки: 1,2)

Добро слушнавте. Ова не е на Дивиот Запад, ова е во Република Македонија. Човекот кој зборува не е каубоец од филмовите, тоа е братучедот на Никола Груевски, 9 години директор на Управата за безбедност и контраразузнавање. Калашњиковите и истрелите се и од оружје на државните безбедносни сили на Република Македонија, злоупотребено во рацете на паравоените структури што вежбаат, се обучуваат и хараат низ земјата, под команда на Сашо Мијалков, за целите на Никола Груевски.

Како се чувствувате? Безбедно? Сигурно? Мирно, во својата земја? Си помислувавте некогаш дека ќе живеете во ваква Македонија, претворена во приватен пашалук, од аздисаност до бесвест?

Почитувани граѓани,

Проектот Вистината за Македонија откри многу вистини, почувствувани и непочувствувани, знаени и незнаени, откри многу лица, вистински и лажни. Предизвикаа тие вистини и гадење и презир и запрепастеност, до каде тоа отишле Груевски, Мијалков и нивните блиски соработници во забеганоста по пари и моќ, за лични интереси.

Но овде веќе не станува збор за задоволувања лични интереси на поединци.

Овде станува збор за загрозување на безбедноста, сигурноста, спокојот на граѓаните кои живеат во земјава. Од аудио снимките во продолжение ќе имате можност да слушнете дека под власта на Груевски и Мијалков загрозена е и стабилноста на нашата држава.

Ветивме дека ќе одиме со вистината до крај. Колку и да е болна, колку и да изгледа црна, вистината не може да нанесе зло. Вистината може само да ослободи од злото. Тоа е нашата цел. Тоа сите го заслужуваме.

На денешната прес конференција ќе осветлиме уште една тешка вистина. Имаме морална обврска да го сториме тоа. Немаме право да им ги криеме лицата на оние кои се насилни од хир, насилни поради нетрпение кон политички противници, на оние кои мразат од нетрпеливост поради секаков вид припадност, на заговарачите на сценарија, на убијците на нашата заедничка иднина. Жртви овде се сите и “нивни“ и “наши“ и “ваши“…, секој еден граѓанин во земјава.

Ќе слушнете и ќе стане јасно колку навистина е сериозна ситуацијата во Македонија, дека си имаме работа со непресметливи луѓе во безбедносните служби и во власта на Груевски и дека тие се сериозна закана и за професионалците во полицијата и за безбедноста на граѓаните, независно од различностите по која било основа.

Во прес конференцијата за убиството на Мартин Нешковски слушнавте дека зад суровата трагедија на младото момче стоел лично шефот на обезбедувањето на Никола Груевски, познат под прекарот Урко. Тој човек командувал и со полициски и со параполициски сили, со знаење на Груевски, Мијалков и Јанкулоска.

Во првиот сет разговори за денеска ќе слушнете колку и какви “урковци“ имаат ставено меѓу чесните професионалци во безбедносните служби, ќе слушнете за недозволивите скандали што овие личности ги провоцираат во специјалните единици и за уште поскандалозниот факт дека не се знае кој командува со полицијата.

-Така од разговорот на Мартин Протогер со Гордана Јанкулоска ќе слушнете како “оригиналниот“ Урко, “скршил од ќутек“ замислете, 20 припадници на специјалната единица “Волци“, среде центар во Скопје!

-Друг “урковец“ не само што шверцувал цистерни нафта за училишта, туку насила изнудувал да му биде потпишано дека училиштето примило 3 или 5 тони нафта за греење, иако тој испорачал само 1 тон – ова и го доверува Протогер на Јанкулоска.

-А како што Груевски си го имал Урко, така Мијалков си го имал Утка. Ни набљудувачите на ОБСЕ не успеале преку Јанкулоска, да го тргнат Утка, кој за локалните избори бил локален шериф во Струга и вперувал пиштол во глави на луѓе. Затоа што Утка имал грб, а тоа бил лично Сашо Мијалков, кој смета дека на Утка тоа му е работа, а не да биде, како што вели Мијалков, “балерина“.

Слушнете. (Снимки 3,4,5)

Можеме само да претпоставиме како им е на професионалните полицајци да работат со вакви бандити во нивните редови.

Но, ова почитувани граѓани не е единственото насилие за кое што ќе слушнете денеска.

Вториот сет снимки ќе потврди дека насилието доаѓа од врвот на Владата, од Никола Груевски и потоа како метастаза се спушта по вертикала до неговите соработници.

-Груевски пикирал парк кај хотелот Бристол во Скопје и бара од Јанакиески таму насила да никне барокна зграда. Ова насилие врз граѓани од страна на премиерот Груевски се преточува во други несфатливи форми на изживувања врз луѓе.

-Така Мијалков и Јанкулоска договараат како да му го загорчат работното место на полицаец кој излегол на протест за Љубе Бошкоски

-Така Протогер во еден момент сака да го убие, замислете и Латас, но полтронскиот уредник на власта во Сител и не е единствениот што Протогер има желба да го убие

-Мартин Протогер бара од Јанкулоска помош тој да се пресметал и со новинарот Зоран Божиновски, кога ќе бил донесен од Србија во затвор во Скопје. Ќе слушнете до каде одат болните фантазии на Протогер за освета врз Зоран Божиновски, тоа е доволно одвратно и да се слушне, а не да се изговори.

Еве го вториот сет снимки. (Снимки: 6,7,8,9)

Ако се сеќавате, истиот овој Протогер, шеф на Кабинет на Груевски, посакуваше да се најде семејство на претседател на Фудбалската федерација на Македонија, во ендек.

Почитувани граѓани, ова изживување врз луѓе што го слушнавме, навистина згрозува.

Но тесната група на власт на чело со Груевски не застанува тука, тоа е пострашното. Ќе го отвориме, само со 3 разговори, случајот во Гостивар кога во расправија за паркинг место полицаец кој уби двајца граѓани на Гостивар. Нема да ви се верува што ќе слушнете.

-Јанкулоска и нејзиниот помошник, портпаролот Иво Котевски, прават калкулации со керкичката на полицаецот кој заврши во затвор. За свои интереси, нечовечки, планираат да го изложат девојчето на сурова медиумска експлоатација – ќе слушнете како треба тоа да го реализира уредничка во Сител, што работи по нивни инструкции, Славица Спасовска

-Ќе слушнете како тие креираат што да информираат медиумите под нивна контрола

-Ќе слушнете како во тие денови, кога имаше протести во Гостивар, Котевски посакал да бил “зачукан“ и некој новинар

(Снимки: 10,11,12)

Да, почитувани граѓани, слушнавте како оваа група на Никола Груевски се пресметува меѓу себе, како мразат политички неистомисленици, како не поднесуваат критички новинари. На крајот на оваа прес конференција ќе ја слушнете суровата и опасна вистина – колку овие луѓе не се искрени кога зборуваат за соживот. Ова мора да се слушне. Ова мора да го знаат, граѓаните Македонци, граѓаните Албанци, граѓаните од сите други етнички заедници во земјава, кои се сакаат, се почитуваат и сакаат да градат заедничка иднина во Република Македонија.

Разговорите што сега ќе следуваат, ќе откријат дали оваа власт на Груевски работи на соживот или работи на уништување на соживотот во Македонија. Не, оваа власт на Груевски работи на уништување на соживотот во оваа држава! Оваа власт, секој ден, перфидно, зад маски, зад кулиси ја поткопува и ја загрозува нашата заедничка иднина и иднината на нашите деца.

Еве слушнете го тоа лично од Гордана Јанкулоска, од нејзиниот сопруг Влатко вработен кај Груевски во Владата, од Сашо Мијалков, од Мартин Протогер.

(Снимки: 13,14,15,16)

Почитувани граѓани, почитувани претставници на меѓународната заедница, пријатели на Македонија,

Знам, дека ова не го мисли мнозинството граѓани во Република Македонија.

Мнозинството граѓани во Македонија копнеат да живеат мирно, сложно, без страв за својата иднина. Мнозинството граѓани во Македонија, независно од различностите по која било основа, споделуваат исти грижи, за својата егзистенција, за својата безбедност, за перспективите на своите деца. Мнозинството граѓани на Македонија имаат еден проблем.

Тој проблем има име и презиме. Тоа е Никола Груевски.

Толку е. Крената е завесата. Театарот е одигран. Дел од глумците сами се повлекоа. Не е доволно. Режисерот на долгата, мачна, задушлива, крвава драма мора да си оди.

Никола Груевски мора да си оди. Нема место повеќе за Груевски на политичката сцена.

Оттука повикувам,

Да престане Груевски преку медиумските мегафони да лаже дека наводно опозицијата подготвувала некакво насилство. Никакво насилство не подготвува опозицијата. Еве слушнавме. Ги слушнавме насилниците, слушнавме и за дел од нивните насилни механизми. Ова повеќе нема да го дозволиме.

Груевски, држиш невини луѓе и студенти во притвор кои излегле да го изразат своето право на протест! Ти ли имаш право да го правиш тоа? Ги повикуваш граѓаните од сите етнички заедници на контрапротест против опозицијата, па уште за стабилна и силна Македонија?!

Ти си Груевски креаторот на кризите во Македонија. Немаш образ да ги браниш безбедносните сили, пред само неколку дена ти загинаа 8 полицајци, сега гледаме и зошто. Апаши си поставил да им шефуваат на професионалците. Сценираш безбедносни кризи. Работиш на тајни сценарија за разнебитување на Македонија, спротивно на заложбите на мнозинството граѓани кои копнеат за стабилна, сигурна просперитетна, европска Република Македнија.

Почитувани граѓани, Македонци, Албанци, Труци, Срби, Роми, Бошњаци, Власи и од другите етнички заедници,

Не подлегнувајте на црните сценарија што ги прави власта на Никола Груевски!

Во недела, на 17-ти мај, да излеземе гордо и достоинствено на натпартиски граѓански мирен протест и да покажеме што значи заедништво, што значи сериозност и одговорност, да покажеме како се сака Македонија со срце, да застанеме зад заедничка слободна, демократска, европска Република Македонија. Ќе имаме мирен, ненасилен протест, масовен, невиден досега. Не се испушта историската шанса да се учествува во мултиетнички и масовен граѓански протест во организација на невладините организации, здруженија и опозициските партии во Македонија.

Да не дозволиме, ова зло никогаш да се повтори. Продолжуваме…

ТРАНСКРИПТИ:

1. Разговор помеѓу  соговорник и Сашо Мијалков

СМ: А бе, кажи му да појача химната малце, што е ова! Појачај химната малце таму. Ало? Али вмровско…ја свират химната на ВМРО. ВМРО бе. Вмровска работа, што да ти кажам. Што? На што да се палам? Не бе, не се палам јас. Ја на мачето мое само. Само на мачето мое се палам ја. А? А бе еби му мајката сега, маче, што да правиме. Ова е вмровска работа. Вмровска работа, ало. Кај си се фатила па ти со вмровец, да му ебам мајката, а? Ха, ха, ха.

 

2. Разговор помеѓу соговорник и Сашо Мијалков

 

ОК: Ало.

СМ: Ало.

ОК: Е.

СМ: А бе шефе.

ОК: Кажи.

СМ: Исклучен ти е телефонот, што е работава?

ОК: Појма немам бе, тука ми беше.

СМ: А?

ОК: Па од кај кур да знам.

СМ: Та-ра-ра ми прават.

ОК: А немам појма.

СМ: А?

ОК: Немам појма.

СМ: Сега овдека сме во Горно Лисиче,

ОК: Аха.

СМ: И што да ти кажам, волку пукање мислиш војна е, немало никад.

ОК: Ха, ха, ха. Уживајте.

СМ: По 5 калаша пукаат одеднашка, а?

ОК: Ха, ха, ха. Слушам.

СМ:  А бе не. Сега ќе слушаш, полека малце, еве сега. Слушај. Дај упаљачот бе. Ало?

ОК: Еј.

СМ: Слушај.

АК: Леле.

СМ: Ало.

АК: Леле Саша што беше ова бе!

СМ: Ха, ха, ха. ———

АК: Леле, леле, леле. Што направи бе? Ама што направи ти бе?

СМ: Вмровска работа бе, еби му мајката.

АК: Ја поштуем вашата работа многу.

СМ: Па ќе биде наша најмила. Ха, ха, ха.

АК: Ама не си нормален човек. Што беа овие рафаливе.

СМ:  Многу ми е жал што не си тука сега.

АК: Е па не си ме викнал бе Сашо, само ти е жал, жал, и жал, и жал.

СМ: Ти само овие скапите работи ги гледаш. Остај ти Монте Карло, не е све Монте Карло во животот. Лисиче, ова-она.

АК: Ќе мораш да се поправиш. Ти треба…Лисиче да знаеш…

СМ: А?

АК: Лисиче е заебана општина.

СМ: Тука сме,—–војска е тука. Едно 50 души. Правиме овдека вешта.

АК: Ајде уживајте тогаш.

СМ: Ајде чао.

АК: Ајде чао.

 

3. Разговор помеѓу Гордана Јанкулоска и Мартин Протугер

 

МП: Ало.

ГЈ: Еј, кажи бе Мартин.

МП: Знаеш ли што направил пред три дена овој…

ГЈ: Кој?

МП: Па најмногу што го збориме…Хммм.

ГЈ: Таткото? А не, Хммм… ха, ха. Е шо?

МП: Таму навредиле некој негова блиска личност на врата, сакала да влезе, ја навредиле. И овој идење со екипа, 20 души, вадење цел персонал. Вадење вратаритее, дробење од ќотек. Врзување со лисици за дрвото пред клубот.

ГЈ: Цццц, лелееее. Како бе така?

МП: Да, да, да, да.

ГЈ: Што збориш бе? Ова знае некој за ова?

МП: Прашање на време е, кога ќе се расшири низ градот.

ГЈ: Лелееее.

МП: Низ цел град се збори више. Да. Го фатил, овој нашиов го фатил тој таму најгласен што бил во навредите, во ова, го однел у WC, и го здробил.

ГЈ: Лелеее.

МП: Значи тој е здробен.

ГЈ: Добро бе, како…

МП: А тие, тие од волците биле, тие што, од противничката екипа.

ГЈ: Тепаниве?

МП: Да, да.

ГЈ: Цццц.

МП: Да го знаеш ова ќе…

ГЈ: Да мислам како да се вадам, ха, ха, ха.

МП: Да, не го кажувај…

ГЈ: Кога ќе ме заплескаат.

МП: Да, вчера ми кажаа мене…

ГЈ: Лелелее.

МП: Пред три дена било, така рече.

ГЈ: Катастрофа. Ќе се дознае тоа, што. Штом толку луѓе се инволвирани, ќе се дознае.

МП: Да, да, да.

ГЈ: Со која интелектуална структура имаме работа.

МП: Катастрофа, тоа е. Ај ќе те барам после.

 

4. Разговор помеѓу Гордана Јанкулоска и Мартин Протогер

 

МП: Добро, ние имаме и друг човек што се занимава и со други работи. Шверцува нафта, овдека од обезбедувањето е исто.

ГЈ: Е тоа не знам. Ха, ха.

МП: Да, да.

ГЈ: Уште…до таму не стасаа…

МП: По школи носи цистерни нафта, па наместо 3 тона, 5 тона…

ГЈ: Лелеее.

МП: 1 тон им носи, му потпишуваат под присила дека примиле 3 тона. Све има.

ГЈ: Мислам дека ова со пајакот е…

МП: Пајакот е ситна работа.

ГЈ: Незначителна. Ха, ха. Не па баш заради тоа, да не го зборат него за ситната работа, за сметка на некој што…

МП: Што…да, да, да, да не го изедначуваат.

 

5. Разговор помеѓу Гордана Јанкулоска и Сашо Мијалков

 

ГЈ: Поздрав чао ДА

СМ: Горде што е проблемот со што се јавиле а се пасивизирале дечкиве што работат во Струга

ГЈ: Абе овој идиотот Утка милион проблеми прави ОБСЕ , амбасадори се јавуваат

СМ: Кој ти се јави на тебе

ГЈ: Од ОБСЕ

СМ: Ама чекај бе он си ја врши работата што треба он да биде таму балерина

ГЈ: Ма што и да прави нека прави со усул

СМ: А што направил он?

ГЈ: Значи ја не сум го видела сваќаш он неможам да речам така е или не е така

СМ: Абе види сега он си ја изработи  работата добро во Охрид, ја изработија добро работата у Велес е сега на некој е сега на некој не му се свиѓало што некој легитимирал

ГЈ: Легитимирањето не е проблем

СМ: Е што е проблем

ГЈ: Наводно два пати пријавуваат лице со таков опис како него  и со него и неговиот ум мислам дека 100% е така

СМ: Што е така

ГЈ: Извадил оружје на едниот  у глава пиштол му вперил сега ја ти кажувам како што таму пријавуваат не сум била до него да знам, значи што и да прават нека го прават со усул

СМ: Добро види сега вака Горде за да нема  за да дојде до каша попара остави ја работата јас ќе ги командувам како што од сабајле ги командувам и не се секирај по шо се ќе биде во ред, заота што јас една визија давам од друга страна друг, сега му се јавив на Радникот и на него му го кажав тоа, пушти ја работава ја ќе одговоарам важи

ГЈ: Ја прво на него му се јавив по шо мислев он ги пратил викам малку нека се приберат

СМ: Па он ги пратил по шо Сашо Мицев така му кажал, му се јавив и на Сашо и на Радникот му се јавив има сега воспоставена координација

ГЈ: Битно е сега да има контрола  тоа е најбитно

СМ: Има контрола  Драган од убк ги контролира таму затоа што он зема таму

ГЈ: ДА, да го знам Драган природен човек е ама ја ти кажувам што пренесуваат странциве е сега за толку сработена работа ко шо треба на глупост да не ни стои дамка иначе нека си работат лугето

СМ: Нема да ни стои дамка ти знаеш како ми пренесоа мене

ГЈ: Како?

СМ: Се јавил Радникот рекол да се пасивизираме

ГЈ: Не бе па ти ја му се јавив на Љупчо а он веќе имаше зборено со нив значи дур стигнало до мене ова од овде

СМ: Како е јавено ако они добиле команда се пасивизират значи они се повлекуват и готово тоа несмеат , затоа ти викам за да нема грешка, ќе си има еден тим на раководење сега

ГЈ: Пред пола сат му се јавив на Љупчо и му велам Љупчо што правиш вика бев да гласам чекај да ти ја докажам работава, абе што е ова работа за Струга ми реагираат странциве ова, она викам вака и вака да не ти го прераскажувам случајот вика ми реагираа и мене му се јавив на Утка, а ја нејкам да му се јавувам на него зашо нејкам  ништо со него да имам никаква допирна точка, вика ја му се јавив им реков да се повлечат викам добро кажи им да не се….

СМ: Епа јас знаев оти е тоа такво како да се повлечат, па ќе се повлечат или ќе не напнат епа затоа ти викам за да не дојде до вакви работи остај ај работата ќе ја кординирам јас  ќе ја координирам до крај  и не се секирај добро?

ГЈ: Штом си се јавил ти да знаеш гледам ваква реакција тоа е тоа

СМ: Добро ок ајде ќе ја бркаме работата до далје а ја на Утка да има кој да му каже да си ја работи работата како што треба

ГЈ: Да умрам на Утка  не му кревам телефон

СМ: Не не не и ја не му кревам ја да го видам не го познавам  ама тој што ќе си ги команда ќе си ги среди и него и ќе работи како што треба

ГЈ: Не Драган си е сериозен човек, значи Драган ја му верувам по шо го знам озбилен човек е возрасен како да кажам не е

СМ: Ама Драган кога ќе му се јави другиот директор и знаеш како стварно е кушлус

ГЈ: Епа добро

СМ: Или ако му се јавиш ти како министер сстално е кушлус, затоа ти викам остај ја работата ќе ја бркаме ние

ГЈ: Ја љупчо се јавив и ама он веќе се јавил викам  добро штом ти си ја терал работата терај

СМ: Важи

ГЈ: Иначе реална е ова странциве реагираат

СМ: Ја сега ќе им се јавам лично таму, ја веднаш се јавив  сега ќе им се јавам со уште една насока  ќе содржи и оној дел што се однесува на утка  добро?

ГЈ: Гледам во Струга и Пешевски нешто реагирал па има официјална пријава до нас

СМ: Знам и он е кавгаџија сега ќе му се јавам

ГЈ: Ама изгледа баш не била ко што треба реакцијата по што биле двајца наблудувачи на избирачкото од вмро,

СМ: И?

ГЈ: Па еден смее сега како да ти кажам

СМ: Нели му верува членството од страна на Владо

ГЈ: Па од стртана наша на вмро  еден требало да има ме разбираш

СМ: Добро и кој реагира

ГЈ: И Владо си реагирале си направиле нашите записник и ок си е покриено си е, само сакам  да кажам  не било голем скандал, не е нешто на сила да бил фатен

СМ: Па он пишал порака на премиерот, премиерот ми ја пребаци мене

ГЈ: ПРоверив Избирачкиот одбор реагирал дека имало двајца од вмро

СМ: Ок  Горде стигнаа гостите ке треба со нив сега

ГЈ: Ок ајде

 

6. Разговор помеѓу Миле Јанакиески и Никола Груески

 

НГ: Ја го имам пикирано она земјиште, знаеш каде, спроти Бристол. Што остана, нели на едниот ќош ставивме две згради кај што е и гаражава,

МЈ: Добро.

НГ: А на другиот ни остана не стаен, ама многу ќе се будат станарите у п___ матер.

МЈ: А оваа, сега не знам за кого Ви е таа, Славе ми ја покажа некни, кај…од кај Алпине накај библиотеката. Таа е убава локација, таа е една подолга, ама не знам да не е голема.

НГ: Од Аплине накај која библиотека?

МЈ: Накај МНТ, натаму. Од Алпине, во продолжение на Алпине, тука кај…

НГ: Е па таа е за Радиодифузија.

МЈ: Аха, добро.

НГ: Тоа е кај МОБ, така, кај тоа тревњакот на МОБ.

МЈ: Е тука, да.

НГ: Тоа е за Радиодифузија.

МЈ: Само два ката таа да биде?

НГ: Па 2.000 квадрати, не знам колку ката ќе биде.

МЈ: Мхм. Океј.

НГ: Колку им треба-толку. На нив им требале 2.000 квадрати.

МЈ: Баш тука голо е тоа, и добро е, таа локација ќе се затвори целата.

НГ: Да, ако е чиста, сега ќе видиме.

МЈ: Знам, беше Славе кај мене, почнавме да испитуваме

НГ: Да, за таа рачунам више, Славе си тера тоа и ќе биде. Мене ми е сега оваа, страв ми е, дали да ризикувам едно 50 гласа ќе изгубиме тука, за у таа зградата, а?

МЈ: Градежна експанзија беше, Славе ми ја даде.

НГ: Миле!

МЈ: Да, да, Ве слушам за тоа.

НГ: За ова спроти Железничка, од левата страна, кога гледаш од кај Стара железничка од лева.

МЈ: Да де, знам, знам. Знам каде е.

НГ: Да ризикуваме или не, што викаш?

МЈ: Тука има еден парк. Не знам тука. Тој малиот паркинг што е…

НГ: Ај провери тие чии гласачи се, за секој случај. Ако се комуњари и вака и така да тераме.

МЈ: Само да се разбереме, кај што има сега еден мини паркинг, така?

НГ: Не бе не, некое спомениче има сега таму.

МЈ: Да де, и паркинг. Спомениче со паркинг. Едно како, малку како топка…

НГ: Па нема паркингот да го пипкаме ние. Ќе им го оставиме, само парчево. За мала зграда зборам тука. И не знам за што. Ќе најдеме некој како Совет за радиодифузија, што имаат сами пари, како се викаат тие..

МЈ:  Да де.

НГ: Регулаторни, некои ќе најдеме, да се изгради некоја убава, така барокна зграда.

МЈ: Многу е начичкано таму ептен. М? Сообраќано решение…

НГ: Знам дека е начичкано, ама со грди згради е начичкано, сакам да го разубавам просторот.

МЈ: Ај да испитаме имотно-правна состојба, како е таму, што…

НГ: Испитај имотно-правно и види како да најдеме, преку кого, како гласале во таа зграда.

МЈ: Е, ги имаме тие податоци во центар.

НГ: Провери го тоа, па другата недела јави ми. Ако гласале за СДСМ, кој ги ебе, и вака и така ќе ги губиме, нема да гласаат за нас, да тераме.

МЈ: Градски ѕид…а не стои зад тоа Градски ѕид.

НГ: Не е Градски ѕид тоа,

МЈ: Не, како месен комитет

НГ: Таа е една висока кула, така малку на ќош поставена. Знаеш.

МЈ: Многу висока.

НГ: Како некоја боја, црвенкасто-кафеавкаста.

МЈ: не, не по месни комитети гледам. Добро, ќе испитам, знам точно.

НГ: Ај види. Оти што знам дали у следниот мандат ќе имаме ние, после локалните избори, дали ќе имаме мнозинство таму.

МЈ: Тешко ќе биде таму.

НГ: Колку гласа би изгубиле? 100 гласа ќе изгубиме? Колку живеат? А?

МЈ: Ја мислам…не е…знаете ДУП-от и после луѓето забораваат, а нема да му градиме ние пред избори таму.

НГ: Ама спроти нив ќе градиме. Спроти нив во спетември почнуваме.

МЈ: Спроти нив да, ама нема да му градиме у двор, тука.

НГ: Да, ама ЕС-ДЕ-ЕС ќе ни организира протести пред општина кога ќе се носи ДУП-от тие работи, знаеш како иде тоа. Ќе ги собере станарите, ќе ги донесе пред општина. Па на Уставен, па ваму, па таму, сите работи ќе ги пробаат. За да ја држат темата отворена. Ај испитај го, па јави ми вторик-среда.

МЈ: Важи.

НГ: И за број на гласови и за имотно-правни.

МЈ: Готово.

НГ: Ајде чао.

МЈ: Чао.

 

7. Разговор помеѓу Гордана Јанкулоска и Сашо Мијалков

 

СМ: Абе знаеш зашо ти се јавив тебе за тој еден што бил кај ЉУбе му го заборавив името

ГЈ: Тој што ми го кажа за прекршоци тогаш

СМ: Да, бил на протестите за Љубе

ГЈ: Епа супер дај некако да го избркаме оти ја не му дадов решение тогаш, фактички он е нераспореден у моментот, јас чекав знаеш да поминат избориве да не има уште некој да покаже

СМ: Александар така

ГЈ: Така некако Александар Панов ли така некако беше знам кој е, тогаш одма го тргнав настрана решението и чекав да завршат избориве да види

СМ: Однеси го некаде кој знае каде

ГЈ: Супер ќе му најдеме некое место….

СМ: Полошо да нема на протестите ја во очи го видов

ГЈ: Некоја аналитика во ПС Арачиново за да нема полициско овластување да зима помала плата

СМ: Е така

ГЈ: Ееее за такви…или пак шофер ќе го ставам у возен парк

СМ:  Е така, така супер

ГЈ: такво некое понижувачко место

СМ: Абе шофер да биде  не тука во мрвр да биде некаде маргинално или аналитика у арачиново тоа може уште подобро

ГЈ: Такво некое битно е сега ние да не го….

СМ: Шофер знаеш како, шофер ќе може да искочи ваздух да зема, а вака аналитика у Арачиново….

ГЈ: Поарно ќе треба да иде на работа

СМ: Ќе треба да иде на работа

ГЈ: Ќе го решиме немај гајле за тоа не му ни потпишувам

СМ:  А за другите работи ќе те побарам јас сакам да дојдам систематизацијата да ја потпишеме више стана историска, тоа не е до тебе до мене е ама….

ГЈ: Јас сакам да ти кажам ама викам ај да не запињам

СМ: Гужви и така

ГЈ: Да де да добро штом до тука сме стасале ќе го решиме не е проблем

СМ: Ок

ГЈ: Ок важи немај гајле

СМ: Ќе се чуеме да не го заборавиш

ГЈ: Не, не го заборавам тргнат ми е уште од пред изборите и сега таман причина повеќе поубаво место да му најдеме

СМ: Добро ајде

ГЈ: Ајде

 

8. Разговор помеѓу Гордана Јанкулоска и Мартин Протугер

 

МП: Овој Латас ќе го убијам еден ден еве ја ти кажувам ако е мртов ја сум, треба бе едно десетина луѓе да се убијат во државава за да биде као што треба, после ќе каже не работел за служба српска, како не работи. Му реков еднаш не може никого да разубедиме дека не работиш за српска служба, по шо српска агенда тераш овдека и тоа е

 

9. Разговор помеѓу Гордана Јанкулоска и Мартин Протугер

 

ГЈ: Да.

МП: Горде?

ГЈ: Кажи.

МП: А бе види, сега го читам оној Зоран Божиновски. Може ли кога ќе дојде вака, иако не го познавам, треба ли негова согласност за посета?

ГЈ: За ако не си му роднина. Ха, ха.

МП: Не сум роднина.

ГЈ: Што се надевам дека не си му.

МП: Не сум му роднина, ама сакам да го посетам таму. И во тој период малку да е исклучена камерата.

ГЈ: Што ти направил сега?

МП: Не, мене ништо. Ама еве нервоза ме фаќа какви глупости пишува, лелеее.

ГЈ: А бе тој која будала е, ненормален е. Јас…

МП: Глупости, измишљотини, ја не знам вака…

ГЈ: А бе ја мислам дека е болен човекот.

МП: Е па баш дека е болен треба да…

ГЈ: Мислам знаеш умоболен, онака, сериозно.

МП: Не и обавезно, обавезно да е у келија со неко циганче што има хомосексуални склоности. Обавезно, мислам тоа да не збориме.

ГЈ: А бе тешко говедо е тој.

МП: Да, да, да.

ГЈ: И уште се сили. Мисли ова заебанција е ние што збориме.

МП: Кажи ми до кај е постапката?

ГЈ:  А бе има распишано меѓународна потерница, и треба да го уапсат Србиве. Сакав утре и на Дачиќ да му се јавам, знаеш, малку да го…

МП: А он се фали со Дачиќ, пријатели…

ГЈ: Он се фали, и знам дека се знаат, ама нема врска знаеш, институционално мое е да барам, така?

 

10. Разговор помеѓу Гордана Јанкулоска и Иво Котески

 

ГЈ: Али Канал 5 колку незнаат вака да..

ИК: Ич таа изјавата како ја налепија, значи оваа од ОБСЕ збори нели за генерално случајот оценки

ГЈ: Да де да ја за девојчето

ИК: Ако лепиш болје ако лепиш веке залепи изјава тоа со девојчето би требало да иде во контекст на службенава белешка и тие цитатите што ги кажуват ќе ве убијам и тебе и девојчето

ГЈ: Да де да и нешто демек исто и со  оној дел кај што викаме дека не бил на должност ова, она и така некако да ја налепиш ма да она со девојчето добро изгледа вака

ИК: Не не супер е

ГЈ: Мислам ептен е она …

ИК: И реков Цаци е дежурна во сабота така да фино би било во сабота да се обидеме нели да до тогаш да ги договориме луѓево

ГЈ: Да, да е добро тоа што рекоа не е семејството во Гостивар ова, она тоа е ок ама колку незнаат да го направат на толку зборење со Богатинова ти кога влезе кај мене на телефон  со неа зборев, му се јавив и на Зинго да видеме и они шо ќе направат

 

11. Разговор помеѓу Гордана Јанкулоска и Иво Котески

 

ГЈ: Да тоа ќе заврши работа и плус ќе заврши работа Цаци ако го направи ептен патетично

ИК: Не не Цаци е на вести некој ќе го направи патетично али му кажав ја и на Далибор

ГЈ: Добро она да го провери

ИК: Апсолутно тука имаме соработка

ГЈ: Да ама и за денес и за денес да си биде

ИК: Што прилогот? Ја им реков абе нашиве се морони мислам ја неможам се да им работам, да речеме ја им кажав училиштето на девојчето, тоа не е тајна или шипоиве знаат во кое школо учело Гоце Делчев, да почнат со прва реченица да биде, два дена малата не иде у школо, загрозени се иселени

ГЈ: Дека после тоа неможела да даде изјава истрауматизирана па психолог некој да…

ИК: Па тоа им викам утре снимете ја вратата од нивниот стан значи иселени се затворена врата и крај

ГЈ: Да де да или да земат изјава од психолог демек што ќе значи ова за  девојчето ќе биде ли нормална…некои такви знаеш

ИК:  Не ако  зборот у камера све ќе покрие тоа по што му  кажав и на Далибор да им објасни дека изјави од камери ни требат ќе  се договориме со Сител, дека џандаров незнам бил јак и грижлив татко, чуствителен имал самоконтрола

ГЈ: Па девојчето секој ден плачело сега неможеле да ја смираат и се враќале сликите такви некои

ИК: Да де така драма

ГЈ: Па психијатар некој ние филм Анџелина Џоли ќе снимеме

ИК: Уште да ќариме нешто џандар што убил двајца

ГЈ: Не само што нејќеме да изгубиме него ќар да искочиме

ИК: Да де да од двајца убиени ама не реално кај македонци се дуи гласачко тело у Тетово македонци ти се а нема македонец што реално нејќе

ГЈ: Затоа и овој од Алсат кога ме праша не му полемизирам самоодбрана за убиство е пријавата и си терам девојчето овој, оној по шо …

ИК: Да де да ама овакво нас македонци не гласаа ама македонци прва реакција е ако така им треба друг пут нека се замислат што прават овие важат за дивјаци еве ви пичка ви матер последен пут пак терајте пак уште двајца

ГЈ: Вака изгледа дивјачки , сложувам се…

 

12. Разговор помеѓу Гордана Јанкулоска и Иво Котески

 

ИК: Мислам не беше нешто. Не беше пљукачки.

ГЈ: Не беше спектакуларно, ама Телма е бе Иво.

ИК: Да.

ГЈ: Ко Сител да направи објективен прилог за комуњарите. Сега имаат у најава, нето у стилу искршени прозори во Гостивар, ова-она.

ИК: Кој? Телма?

ГЈ: Па така негде ко га прочитав. Да. Закани, навреди и искршени прозорци на протестот во Гостивар е наслов.

ИК: Не бе тоа, како не се погоди, тоа ќе беше многу јако да се погодеше и некој новинар да зачукаа тие кретените.

ГЈ: Еј тоа супер ќе беше.

 

13. Разговор помеѓу Гордана Јанкулоска и Сашо Мијалков

 

ГЈ: Абе јас сеа на муабетот вие уште не ми ја доставивте систематизацијата од кај вас

СМ: Затоа што три пати му ја вратив на Тони не ја прават како што треба

ГЈ: Не не добро ок ако е до тебе ја викам знаеш што да не стои кај некој друг

СМ: Кај мене и овој заменикот ја бара вика амо може да ја видам сега незнам што бара дали бара се комплет имиња и презимиња

ГЈ: Абе они многу почнаа да барат

СМ:  5 години ги ескивирам по таа работа да ти кажам

ГЈ: Да де да многу почнаа да барат у специјална да виделе кој е кај тебе да виделе кој е ги гледам ептен така сакаат да…

СМ: Незнам што ќе се прави со нив

ГЈ: На сила тераат

СМ: Решение има само немаме ние концензус, инаку имаш решение одма се наоѓа

ГЈ: Јас сум за такво решение да ти кажам искрено, еднаш да расчистиме ај со здравје

СМ: Јбг тоа ти е

ГЈ: Јас да ти кажам исто на шиптариве за буџет за такви работи ништо не им давам материјали така да чисто да си знаеш нема што сега они да гледаат на кого плаќаме и колку плаќаме

СМ: Нормално да

ГЈ: Да де

СМ: Се согласувам

ГЈ: Ги гледам знаеш по другиве министерства да седнеме за проектите за ова она, нема бре што да седнуваме, ќе седниме да видеме тие лични карти, возачки дозволи нема проблем ќе си седнам ја со нив, ама друиве работи не им давам бројки

СМ: Така е се согласувам

ГЈ: ОК

СМ: Добро у 6 саат се гледаме

ГЈ: У 6 се гледаме и тоа е тоа

СМ: Важи

ГЈ: Ајде Чао чао

 

14. Разговор помеѓу Гордана Јанкулоска и Влатко Илиевски

 

ВИ: Да.

ГЈ: Влатко што правиш?

ВИ: Добро бе еве, пишувам нешто. Ти?

ГЈ: Ништо, со шиптариштава се расправам.

ВИ: Хм. Да не имало прес, или не?

ГЈ: Не.

ВИ: Добро.

ГЈ: Друго?

ВИ: Па не знам, ништо посебно.

ГЈ: Па добро, пишувај.

ВИ: До кога ќе се задржиш?

ГЈ: Па имам еден состанок у 6, па после тоа ќе си дојдам. Ти?

ВИ: Па не знам, и ја имам работа.

ГЈ: Кутриот. Шиптариштава многу ме нервираат.

ВИ: Не ги третирај ич.

ГЈ: Не, ама како може да бидат бе толку глупи?

ВИ: Тие од еден маскембал направија проблем, не од ова. Што очекуваш?

ГЈ: Од што направија проблем?

ВИ: Од маскембалон.

ГЈ: А да, племе невидено.

ВИ: Тоа ти е, косоваризација на Македонија се случува од 2001 навака.

ГЈ: Да, знам. Така. Добро, тоа сакав.

ВИ: Ајде.

ГЈ: Ајде, чао.

ВИ: Чао.

 

15. Разговор помеѓу Гордана Јанкулоска и Мартин Протугер

 

ГЈ: Така да нема со нив соживот

МП: Нема каков соживот

ГЈ: Треба да се расчисти еднаш засекогаш

МП: Ајде здравје

ГЈ: Нема здравје тоа се стратешки прашања, пушти ми ти за ова да организирам од понеделник  не е нешто…

МП: Важи

ГЈ: Ок ајде

 

16. Разговор помеѓу Гордана Јанкулоска и Мартин Протуѓер

 

МП: А војна да имаме?

ГЈ: А бе, ние ако е за да покажеме кој е посилен, за 1 саат ќе ги смачкаме.

МП: Мхм.

ГЈ: Ама работата е да не покажуваме мускули сега.