Честитка од Зоран Заев за Бадник и Божик: Само доброто може да се избори со злото, само вистината со лагата, само правдата со неправдата

0
1081

Претседателот на Социјалдемократскиот сојуз на Македонија, Зоран Заев, за големите христијански празници Бадник и Рождество Христово, Божик, во свое име и во име на СДСМ, упати честитка до сите граѓани кои ги чествуваат, до поглаварот на Македонската Православна Црква – Охридска Архиепископија, архиепископот Охридски и Македонски, г.г. Стефан и до членовите на Синодот, свештенството и монаштвото.

„Упатувам најискрени честитки за Бадник и Рождество Христово, Божик, до Вас лично, до членовите на Синодот, на свештенството и монаштвото, до сите граѓани кои ги чествуваат овие големи православни христијански празници, во мое име и во име на Социјалдемократскиот сојуз.

Светите празнични денови нека донесат спокој во срцата, насмевки, прегратки, светлина, топлина, радост во домовите и семејствата, почит, љубов, разбирање меѓу луѓето.

Следува година на сериозни предизвици во којашто повторно пред искушение е нашата совест, за да си ги вратиме вистинските вредности во нашиот живот и во општетсвото и да си обезбедиме духовен мир и благосостојба.

Само доброто може да се избори со злото, само вистината со лагата, само правдата со неправдата.

Овие големи празници нека ја распламтат одлучноста и вербата двигател.

Нека секој ја почувствува слободата и одговорноста на својот избор.

Ова се моменти кога секој одново ја добива шансата да тргне по вистинскиот пат, тоа е патот кон заедничката среќа.

Имајте убави празнични денови“.