Македонските ракометари по 90- минутен лет од скопскиот аеродром попладнево пристигнаа во Краков, каде што ќе имаат повеќе од 48 часа за адаптација и аклиматизација во пресрет на премиерниот меч од ЕП против селекцијата на Франција. Атмосферата меѓу ракометарите е на највисоко ниво, со нетрпение се чека стартот на шампионатот и со него големите предизвици против европскиот првак Франција и домаќинот Полска.
Од поодамна се потенцира дека третиот дуел со Србија би требало да биде решавачки за пласманот во следната рунда, но нашите репрезентативци јасно ставаат до знаење дека против Франција и Полска нема да излезат на терен со бело знаме, туку напротив ќе сторат се за да приредат изненадување.
Македонците стигнаа во ладниот Краков, каде атмосферата ќе се вжештува како што ќе се ближи почетокот на ЕП 2016.
Извор : Екипа.МК
.gif)
.gif)
