Министерот за внатрешни работи Оливер Спасовски изјави дека смените на началничките позиции во полицијата во повеќе градови во Македонија се поради сериозни пропусти во работењето.
За смената на началникот на СВР Скопје, Спасовски рече дека причина се непостапувањето во случаите на напади врз новинари и последно упадот на полицијата на УКИМ.
Конкретно во однос на случајот со упадот на полицијата на УКИМ за време на блокадата на Ректоратот од страна на претставници на Студентскиот пленум и младинската организација Мугра, Спасовски рече дека во службената белешка на полицајците тие навеле дека полицијата на Универзитетот била повикана од припадник на приватната агенција за обезбедување СГС, а не од Ректорот, како што се тврдеше во некои медиуми.