„Граѓаните, пациентите, лекарите, сите бараат одговорност и оставка од Никола Тодоров за хаосот во здравството. Само Никола Груевски срамно го брани Тодоров.
Социјалдемократскиот сојуз на Македонија денеска ги поддржа лекарите и нивниот протест со што дирекнтно стави на знење дека ги осудува нападите и дека го разбира нивниот револт поради крајно понижувачкиот статус на здравствените работници.
ВМРО-ДПМНЕ не разбира што значи зборот поддршка затоа што оваа партија одамна ја има загубено.
Очекувавме од пратеничката група на ВМРО-ДПМНЕ да застанат зад интересите на лекарите, пациентите и граѓаните и да побараат заминување на Никола Тодоров.
Но, за врвот на ВМРО-ДПМНЕ поважни се тендерските и бизнис интереси отколку здравјето на граѓаните.
Очигледно партијата има сериозни внатрешни проблеми поради губењето на поддршката од граѓаните и лесно предвидливиот пораз на слободните, фер и демократски избори на 24-ти април.
Затоа ВМРО-ДПМНЕ постојано сака да зборува за пред 10 и повеќе години а не за изминатите години коишто им ги украде на граѓаните на Република Македонија.
Здравствениот систем во Македонија е целосно срушен.
Поразителни се податоците што ги објави Еуростат дека Македонија е на врвот на листата со починати новороденчиња во Европа. Во 2013 година, во Македонија починале дури 229 доенчиња!
Никола Груевски потроши неверојатни 630 милиони евра за споменици а според последните извештаи на Фондот за здравство, на крајот на јуни 2015 година, долговите на јавните здравствени установи се над 51 милион евра, а обврские се над 70 милиони евра.
Никола Груевски и Никола Тодоров се главните виновници за хаосот во здравството и нефункционирањето на системот на здравствена заштита.
Никола Тодоров мора веднаш да понесе одговорност и да поднесе оставка“, велат од СДСМ.
.gif)
.gif)
