„Лицемерието на ВМРО-ДПМНЕ нема граници. Очигледно моралните вредности во раководството на ВМРО-ДПМНЕ одамна се загубени помеѓу тендерите и сомнителните зделки штом после сите инциденти во здравството нема кој да му каже на Тодоров дека треба веднаш да си замине.
Срамно е ова што го прави ВМРО-ДПМНЕ.
Пациентите, а од денес и лекарите, побараа оставка од Тодоров. Само ВМРО-ДПМНЕ лицемерно и срамно го брани.
Доколку навистина ВМРО-ДПМНЕ мислеше на лекарите, прво немаше да го дозволи овој хаос, целосно срушен здравствен систем, руинирани болници, починати родилки и бебиња, девалвирање на пациентите и лекарска професија, пукање врз лекарите по клиниките…
Македонија, според Еуростат е на врвот на листата со починати новороденчиња во Европа. Во 2013 година, во Македонија починале дури 229 доенчиња!
Никола Груевски потроши 630 милиони евра за споменици а според достапните информации, на крајот на јуни 2015 година, долговите на клиниките изнесуваат неверојатни над 51 милион евра, а на Јавните здравствени установи над 70 милиони евра.
Никола Груевски и Никола Тодоров се главните виновници за хаосот во здравството и нефункционирањето на системот.
Никола Тодоров мора веднаш да поднесе оставка“, се вели во соопштението на СДСМ.
.gif)
.gif)
