Советот на јавни обвинители денеска во 16 часот ќе одржи седница на којашто ќе се расправа за помошниците јавни обвинители на специјалната обвинителка, Катица Јанева.
Во соопштението од Советот се вели дека Советот на јавните обвинители на Република Македонија ќе одржи седница за избор на јавни обвинители во Јавното обвинителство за гонење на кривични дела поврзани и кои произлегуваат од содржината на неовластеното следење на комуникациите, односно Специјалното обвинителство.
Советот изгласа само седум од 14-те предложени помошници обвинители и се досега не отстапуваше од ставот дека на Јанева и се доволни седум обвинители за работа.