„Општина Центар ќе го санкционира незаконското однесување на угостителските објекти. Некои од нив, и покрај укажувањата, не ја отстранија незаконски поставената урбана опрема на јавна површина.
Изминатиот викенд, инспекциските служби констатираа дека “Броз Кафе“, спротивно од законските одредби, има поставено маси и столици (урбана опрема), без добиено одобрение од Град Скопје.
Поради констатирано прекршување на законот, на правното лице му се изречени две глоби во износ од 4000 евра, а на одговорното лице, 30% од одмерената глоба за правното лице.
На “Броз Кафе“ му е наложено да ја отстрани поставената урбана опрема.
Последна опомена им е изречена и на рестораните кои се наоѓаат на “Боемската улица”.
Општина Центар и во наредниот период ќе продолжи со инспекција на сите ресторани, кафулиња и кафе-барови на нејзина територија“, се вели во соопштението на Општината.
.gif)
.gif)
