Министрите и дополнителните заменик-министри од СДСМ, поднесуваат оставки во Владата, изјави денеска министерот за внатрешни работи Оливер Спасовски на прес-конференција пред Владата.
Тој побара од Собранието денеска да ги констатира нивните оставки.
Одговарајќи на новинарско прашање, што ако Собранието донесе одлука да не се распушти и да ги одложи изборите, Спасовски рече дека оставките ги поднесуваат само ако има избори на 24 април, за што според СДСМ, но и според меѓународната заедница, нема услови.
– Согласно Договорот од Пржино Владата во којашто учествуваме се формираше за организирање фер и кредибилни избори откако ќе се исполнат сите точки од овој договор, рече Спасовски пред Владата на РМ.
– Без прочистен избирачки список и без реформи за слободни медиуми нема услови за регуларни кредибилни избори, истакна Спасовски и додаде дека СДСМ нема да ги алиментира „неслободните и недемократски избори коишто ги најавува ВМРО-ДПМНЕ“.
.gif)
.gif)
