Индиска компанија ќе го лансира најевтиниот паметен телефон во светот, со цел секој во државата да има лесен пристап до новата технологија. Производителот Ringing Bells вели дека телефонот наречен Freedom 251 ќе чини 3,66 долари, што е за половина помалку од моментално најевтиниот паметен телефон во Индија.
Смартфонот Freedom 251 доаѓа со 4 инчен qHD дисплеј, четири-јадрен процесор, 1 GB RAM, 8 GB меморија, 3.2 мегапикселна камера, 3G конекција, батерија со капацитет од 1450 mAh и Android 5.0 Lollipop оперативен систем и ќе може да се купи онлајн.
Бројот на претплатници на мобилни телефони во Индија достигна повеќе од милијарда, а веќе расте и продажбата на паметните телефони. Инаку, по Индија е втор најголем пазар на паметни телефони на светот.