Семејството на битолскиот градоначалник, Владимир Талески, минатата година се подновило со стан во вредност од 65.000 евра, јавува „Мета“.
Според податоците на Државна комисија за спречување корупција, во анкетниот лист за имотната состојба на избрани и за именувани функционери, Талески напишал дека минатата година неговата сопруга стекнала стан врз основа на купопродажен договор.
За разлика од двата стана, за кои во анкетниот лист на Талески стои дека се негов личен имот и со квадратура од 70, односно 52 квадратни метри, за станот на неговата сопруга не пишува детали за тоа со колкав простор располага.
Во 2013 година градоначалникот Талески тужеше советник во Општина Битола и медиум кои пишуваа за неговата имотна состојба, но спорот го загуби пред скопските судови.
Извор: Мета
.gif)
.gif)
