Фридом хаус потврди: Во Македонија владее ХИБРИДЕН РЕЖИМ – назадување во изборните процеси, медиумите, демократијата!

0
301

Генерална оценка за демократскиот развој на земјава бележи најновиот извештај на Фридом хаус според кој  живееме во хибриден режим.

Македонија всушност бележи нагорна линија само во категоријата граѓанско општество. За преостанатите шест, како изборен процес, независни медиуми, национално демократско владеење, правна рамка и независност, корупција и демократски рејтинг, Македонија бележи падови.

Македонија забележа надолен тренд поради натамошни откритија за тешки неправилности на изборите во 2014 година, што предизвика бојкотот на опозицијата во парламентот, како и новите информации поврзани со скандалот со широкиот владин надзор на политички и верски лидери, новинари и граѓани.

Во извештајот на Фридом хаус се оценува дека и покрај обвинувањата за местење на изборите, корупција и измами што предизвикаа најголеми протести во Македонија во изминативе неколку години, поранешниот премиер Никола Груевски го развлекува спроведувањето на договорот за реформи, постигнат со посредство на Европската унија и се чини дека, како што се наведува, најверојатно ќе се врати на власт преку предвремени избори закажани за јуни.

Во извештајот на Фридом хаус се оценува дека и покрај обвинувањата за местење на изборите, корупција и измами што предизвикаа најголеми протести во Македонија во изминативе неколку години, поранешниот премиер Никола Груевски го развлекува спроведувањето на договорот за реформи, постигнат со посредство на Европската унија и се чини дека, како што се наведува, најверојатно ќе се врати на власт преку предвремени избори закажани за јуни.

„Во Македонија, имате најчист пример сега на Балканот за државна контрола на партијата ВМРО-ДПМНЕ која беше во можност во текот на еден период од неколку години да ја намали границата меѓу партијата и државата, така што партијата ги сврти државните институции: средствата за јавно информирање, услугите на обвинителството, функционирањето на тајните служби во механизми, за промовирање на своите интереси и за обезбедување на нејзината моќ“, вели Нејт Шенкан, директор на проектот „Нации во транзиција“.

Оценка за слободите во Македонија е три ипол, за политичките права: четворка, а за граѓанските слободи: тројка.

Најслаба оценка за демократијата во регионот има добиено Босна и Херцеговина, 4,50 по што следува Македонија со 4,29. Црна Гора со 3,93, Србија со 3,75 и Хрватска со оценка од 3,68. Балканот кој своевремено беше светла точка за реформите во Европа, од 2010 година бележи уназадување на демократијата иако неколку земји постигнаа напредок во пристапувањето кон Европската унија.

Capture

Моќници во Србија и Црна Гора преземале речиси без конкурентска контрола врз државните институции. Во Босна и Косово, градењето држави влезе во ќор сокак. Владините структури изградени за да се задржи мирот, го спречуваат напредокот, а политичката и економската стагнација поттикнуваат фрустрација кај популацијата.

Овие внатрешни случувања сега ризикуваат да бидат дополнети со европското затворање на границите со цел спречување на бранот мигранти и бегалци по должината на балканската рута.

Кризата со миграцијата и развлекувањето на економските проблеми им се закануваат и на опстанокот на Европската унија и на стабилноста на своевидните диктатури на земјите во Евроазија.

Извор: РСЕ