РАЗОРНА БОМБА ОД АТИНА: ГРЦИТЕ ШОКИРАНИ ОД МАКЕДОНСКИОТ НАЦРТ ПРЕДЛОГ, НЕ ГО НИ ОЧЕКУВАЛЕ, ОНА ШТО ГО ПРОЧИТАЛЕ ГИ ФРАПИРАЛО!!!

0
928

Слетувањето на скопскиот аеродром по пауза од 12 години, шеширот на Коѕијас, но и различните позиции на Скопје и Атина во преговорите, се дел од точките на кои грчките медиуми го ставаат акцентот во текстовите за вчерашното пристигнување на министерот за надворешни работи на Грција, на скопскиот аеродром.

Освен делегација од грчкото МНР, со Коѕијас во Скопје пристигнаа и новинари од различни грчки медиуми. Како што јави дописникот на МИА од Атина, грчките телевизии во синоќешните централни изданија на вестите, имаа вклучувања во живо од Скопје.

– Климата во пресрет на разговорите би рекол дека е чудна. Постапката на скопската страна оддеднаш да прати текст со забелешки, на два дена пред средбата, предизвика загриженост во Атина, затоа што тоа не беше предвидено од процесот за кој се договорија двајцата премиери во Давос.

 „Овој текст како да беше напишан од самиот Груевски, затоа што ги содржеше сите радикални позиции на скопската страна“, објави грчката државна телевизија ЕРТ, повикувајќи се на дипломатски извор, во јавувањето на нивниот новинар од македонската престолнина.
– Се покажа дека во двата текста од Атина и Скопје, постојат важни разлики, а главниот „трн“ е Уставот. Грција смета дека по секоја цена треба да има уставна ревизија и да се смени уставното име затоа што само така ќе важи ерга омнес. Скопјаните, пак сакаат двојна формула – рече новинарката на ТВ Антена.
„И двајцата министри сакаат да најдат решение, но не е лесно. Дознаваме дека 20 страници е грчкиот предлог, пет страници се скопските одговори. Се согласуваат само за името, а Горна Македонија е предлогот што преовладува. Не се согласуваат за Уставот, за идентитетот“, јави новинарката на грчката телевизија Стар, во директното вклучување од скопскиот аеродром.
Грчката новинска агенција АНА-МПА, во текст под наслов „Историско слетување на Коѕијас на аеродромот во Скопје“, пишува дека министерот за надворешни работи на Грција, бил топло пречек особено од македонските телевизиите од ПЈРМ на снежниот аеродром во Скопје.
Грчката телевизија Скај, пак, со комплетно спротивен коментар, Коѕијас не бил пречекан од официјален претставник на македонското МНР.
– Би рекол дека преовладува смрзнатост и ова не се однесува на ниските температури во Скопје, туку студот се однесува на пречекот и на климата во која пристигна министерот за надворешни работи. Говориме за прва посета со директен лет од Атина за Скопје, но немаше ниту едно официјално лице од скопската влада, ниту министерот за надворешни работи на Скопје, ниту некој друг, само бирократи од МНР -коментираше новинарот од грчката ТВ Скај, во јавувањето од Скопје, објави МИА.
Грчките новинари коментираат дека денешниот ден е особено важен, бидејќи по маратонските средби во Скопје ќе се разјасни дали има поклопување на позициите на двете земји во пресрет на состанокот со медијаторот Нимиц во Виена, следниот петок.
Грчките медиуми во продолженија ја објавуваат програмата на шефот на грчката дипломатија за денешниот ден и средбите со неговиот македонски колега Димитров, со премиерот Заев, претседателот на собранието, Џафери, лидерот на ДУИ, Ахмети и претседателот на ВМРО, Мицковски.
Дел од грчките портали, објавувајќи фотографии од пристигнувањето, го коментираа шеширот на Коѕијас, јави дописникот на МИА од Атина.
ИЗВОР: МИА