ПЦЕР: Зошто само Македонци и Албанци се вклучени во разрешување на кризата?

0
199

Соопштение на ПЦЕР:

Пцер во целост ги поддржува напорите на меѓународната заедница за барање излез од политичката криза која започна со обелодувањето на вистината за Македонија.

samka-ibraimoski

Поддржуваме дијалог но никако не можеме да сфатиме зашто од овие бурни времиња кога се решаваат клучни прашања за иднината на Македонија, Ромите и останатите заедници се целосно исклучени од правото рамноправно да учествуваат во изнаоѓање решенија за излез од оваа криза.

Зошто само условно Македонската и Албанската страна да биде вклучени во овој процес а Ромите, Турците, Србите , Бошнњаците, Власите и др бидат неми набљудувачи на сето тоа?

Даваме безрезервна поддршка на лидерот на опозицијата господинот Заев во целост да истрае во барањата на опозицијата и граѓанската коалиција на дополнителната средба во Брисел, целосно веруваме во неговите искрени намери и знаеме дека успешно ќе не застапува сите Ние кои се залагаме за враќање на слободата и демократијата.

Како политичка партија која ги застапува интересите на Ромската заедница во Република Македонија Ќе ги потенцираме клучните наши барања.

1. Преодна (техничка) влада составена од експерти

2. Премиер на предната влада не смее да биде Никола Груевски, мора во целост да се повлече

3. Спроведување попис на населението и чистење на избирачкиот список

4. Промена на клучните позиции во Обинителството , Судството, Судскиот совет и Уставниот Суд.

5. Ставање во мирување на спорните закони кои се донесени од периодот кога опозцијата е надвор од собранието на РМ

6. Рамноправност и слобода во медиумскиот простор

7. Ресорот Труд и социјална политика да биде воден од експерт Ром кој ќе обезбеди гаранции дека нема да биде вршен притисок врз Ромите и останатите ранливи катергории како што беше јасно воочливо во бомбите на опозицијата.

Без исполнување на овие барања Ние како политичка партија не се повлекуваме од улиците ќе останеме до крај , нема да прифатиме предвремени избори без исполнување на овие клучни барања.