Пронајдено најстарото писмо во шише

0
166

Порака испратена во шише во море пред повеќе од 108 години е најстарата ваква порака пронајдена во светот, а ја открила една пензионерка на германска плажа, соопшти британската Лабораторија за поморски истражувања.

Шишето на 30 ноември 1906 година во Северното Море ја фрлил поморскиот биолог Џорџ Паркер Бидер. Во неа тој со пораката ставил и мапа. Пронаоѓачот на шишето во пораката го замолил да ја врати во Лабораторијата за поморски истражувања во Плимут и за возврат ветил награда од еден шилинг.

Лабораторијата неодамна објави дека шишето со пораката, по 108 години и 138 дена во април минатата година на германска плажа на Северното Море го пронашла пензионерка од германската пошта и оти станува збор за најстарата таква порака.

Досега рекордот, забележан во Гинисовата книга, го држеше писмото во шише пронајдено по 99 години и 43 дена.