ЗАЕВ Е ОПАСЕН ИТРЕЦ, ГИ НАДИТРИЛ МАЕСТРАЛНО ГЕРО И КУРТОНИТЕ НА КАМЧЕВ : Русковска за Независен: Во втората половина на април премиерот прв усно не извести за случајот РЕКЕТ

0
1154

Бизнисменот Орце Камчев, кој во случајот „Империја“ на Специјалното јавно обвинителство е осомничен, а во најновиот случај на редовното обвинителство е сведок, заканите за рекет прво му ги пријавил на премиерот Зоран Заев.

„Се обратиле бизнисмени до мене кои не се од Скопје дека биле уценувани и се знае, како што постапува секој граѓанин така постапува и премиерот – го пријавил тоа. Потенцирам, премиерот тоа го пријавил“, рече Заев вчера на прес-конференција.

Тој не сакаше да прецизира дали токму бизнисменот Орце Камчев му се пожалил дека е мета на рекет, туку само рече дека доволно кажал.

Од Обвинителството за гонење организиран криминал за „Независен весник“ потврдуваат дека Заев пријавил кај нив.

„Премиерот усно нè извести мене и јавниот обвинител на РСМ, притоа изразувајќи подготвеност да дојде и да поднесе кривична пријава на записник. Но ние му советувавме сведокот да дојде во Обвинителство и да пријави“, вели раководителката на Обвинителството, Вилма Русковска. Ниту таа не сакаше да каже дека се работи за овој случај, но вели дека првпат премиерот им кажал за ова во втората половина на април. Со оглед на тоа дека истрагата против неформалниот сопственик на 1ТВ, Бојан Јовановски, познат во јавноста како Боки 13, е отпочната на 2 мај, најверојатно Камчев му се пожалил за рекетот прво на Заев, па потоа поднел кривична пријава во Обвинителството.